Lirik Lagu Muaro Talang - Yo Dik Oi

Lirik Lagu Muaro Talang Yo Dik Oi Vocal Riyanto

Bajulah putih yo dik oi kancing ditengah

Itu bunamo yo dik oi si lah anak baju..2x

Gedanglah kasih yo dik oi datanglah putengah, aduh dek sayang

Sampai kau lupo yo dik oi ka badan aku..2x

Lubuklah bungin yo dik oi  di muaro talang

Lubuklah pauh yo dik oi tempatlah ba umo..2x

Sedanglah bangsat yo dik oi duniolah ta kembang, aduh dek sayang

Sampai mangurai yo dik oi si ayik mato...2x

Musik....

Api-api ah api yo dik oi  terebang malam

Hinggap dipucuk yo dik oi silah jambu nipo..2x

Tujuhlah kali yo dik oi dunio lah karam, aduh dek sayang

Namunnyo kau yo dik oi idak lah ku lupo..2x

Lubuk badengkung yo dik oi muaro saluruh

Tampaklah dari yo dik oi pondok lah delapan..2x

Kalu ditampung yo dik oi si lah ayik mato, aduh dek sayang

Bisa munganyut yo dik oi nanlah biduk sampan..2x

Baca Lirik

Lirik Hujan Meretai Pantun Klasik Jambi

Hujan Meretai lagu Batang Asai Sarolangun Jambi

Dimulah ngilang tebu di renah
Tebu lah ngidak ba pucuk lagi..2x

Sejak lah nyo ngilang ayam lah pangumah

Tanggo lah ngidak baluluk lagi..2x

Pulah layar pulau kulapo

Tempat lah budak tari munari..2x

Hendaklah disesal pado lah siapo

Sudah lah nasib badan sendiri..2x

Musik...

Dimulah nanggok sungai sukiyang

Dapat lah uang nan pendek kaki..2x

Taulah nyo lubuk, lahsi kurang ikan

Jangan ditubo nan duo kali..2x

Batanglah jering cundung ke rimbo

Sudah dibelah dibagi empat...2x

Sudah lah nyo kering laut lah ku timbo

Badan lah payah, ikan dak dapat..2x

Baca Lirik

Lirik Lagu Ee Yo Dek

Lagu Ee Yo Dik Pantun Klasik

Sejak dimano padi lah ku ngampo

Sejak baumo dek dilubuk bulin..2x

Oi sejak dimano lah hati lah ku ibo.. ee kau yo dik

Sejak dikau dek mungalih ke urang lain

Dari oi ku ngajak lah mandi

Kau nak mandi dek ke pangka lah bulin..2x

Oi dari lah dulu ku ngajak kau jadi.. ee kau yo dik

Kau buganti dek ke orang lahnyo lain

Bulah biduk lah nan lalu nyo kumo

Luan munuju kurantan nyo duku..2x

Idak ku telok bucerai lah nyo lamo..ee kau yo dik

Bayangnyo bayang ku sangko lahnyo kau

Mudik batimpek ngile lahnyo bamubil

Hendak munempuh jerambahnyo papan..2x

Idaknyo dapek, bungolah satingkil..ee kau yo dik

Bialah lah kumbang dek, mati lah murgan

Bujang bunamo lah si bujangnyo hasan

Hendak ketalang mungambiknyo kayu..2x

Lain lah nian kendaklahnyo badan..ee kau yo dik

Hedaklahnyo mati dek, dipangkuan kau

Patahnyo galah lah ditengahnyo laman

Bulah biduk, lah di dalamnyo payo..2x

Kalunyo kau idak lah pucayo..ee kau yo dik

Payuh basampah lah bujawat tangan

Baca Lirik

Lirik Lagu Bagumbak Rujuk Erawati

Bagumbak Rujuk Vocal Erawati

Katakuk burung bagumbak

Muribo-ribo dikayu lapuk

Pado tajebo nan bateh kiak..

Iluk nan kito bubalik rujuk..2x

Beribu-ribu benang di laci

Mungapo unak butali rotan

Buribu-ribu sayang di hati..

Mengapo telak abang jatuhkan..2x

Musik...

Panjang unak nan utan udang

Panjang bujilo sampai seberang

Mungulang anak mukesud abang..

Mungulang jando nan kato urang..2x

Kiro unuk si rotan paku

Idak butali nan rotan sikai

Sekiro telak ditangan aku..

Sampailah mati idak bacerai..2x

Musik...

Kiro banyak kabau dipelak

Idak mumupuh kuliling mudo

Pabilo anak mungibau bapak..

Hati ku mabuk separo gilo..2x

Sungai mancur ayik nyo tenang

Sungguhpun tenang dereh ka tepi

Hati ku hancur pike dak tenang..

Tido sekejap munjadi mimpi..2x

Baca Lirik

Lirik Lagu Jambi Pantun Pepatah

Pantun Pepatah Vocal Idham Kholik

Duo lah tigo si anak itik

Mati diserang si burung elang..2x

Kalu dak tahan nan keno tagih, hai kawan nco

Jangan lah tegak ditepi jalan..2x

Gunung tapanggang munampak asap

Siti Rukemah mumadam lah api..2x

Api lah padam puntung berasap, hai kawan nco

Umah lah sudah, pahat babunyi...2x

Musik...

Gedang lah jangan main dilaman

Cubo berusik kerantau lah kanti..2x

Gedang lah jangan mambuang lemak, hai kawan nco

Cediklah jangan malah buang kanti..2x

Apo lah kaba bang zulkarnain

Tinggalnyo kini di kota lah jambi..2x

Badan lah tuo, gadih ba musim, hai kawan nco

Tuo lah ka idak, ka mudo lagi..2x

Musik...

Hidup lah kini harus bersyukur

Supayo mudah dapat lah direzeki..2x

Pantang lah kutu rambut di cukur, hai kawan nco

Pantang manusio, dicaci maki..2x

Lanjutkan bae nambah pantun yo nco..

Baca Lirik

Lirik Lagu Sayang Dak Sudah Pantun Duet

Sayang Dak Sudah Vocal Nukan dan Nuraini

Vocal Jantan:

Banyak lah talang pukaro talang

Talang lah kami ditepi lah renah..2x

Banyaklah urang bikato sayang

Tibo dikami yo dik oi,  sayang dak sudah..2x

Vocal Batino:

Idaklah payah pegi ketalang

Talanglah kami di sungai lah bungo..2x

Idak lah payah bukato sayang

Sayang di kau yo bang oi, dilah mulut sajo..2x

Musik...

Vocal Jantan:

Sungguhnyo dedeh ke Rantau Pandan

Rantau lah duku ngan tau lah belum..2x

Sungguhnyo pueh lah ngan katokan

Kau lah idak yo dik oi, pucayo belum..2x

Vocal Batino:

Kalu nak tau di Ratau Duku

Ditepi jalan ke Muaro lah buat..2x

Keno dek banyak gadih katuju

Dibadan kami yo bang oi, kau dak ingat..2x

Musik...

Vocal Jantan:

Ba ari-ari ngan mengerai

Dapek lah emeh sakundi lah kurang..2x

Cinto dikami napal di sungai

Dikupeh ayik yo dik oi, idak kan hilang..2x

Vocal Batino:

Duduk dinapal ancing saluwang

Dapek lah sikuk anaklah salimang..2x

Panjang lah akal ikan saluwang

Sanggup mangusut yo bang oi, nan lah pukat urang..2x

Baca Lirik

Lirik Lagu Jando Marajuk Vocl. Alamsyah

Jando Merajuk Ramuna

Banyaklah nyo talang yo dik oi, pulah karo talang

Idak lah mulebih jurami, nan talang lah jurami

Banyaklahnyo malang yo dik oi, pulah karo malang..

Idak lah mulebih yo kami, nan malang lah di kami..2x

Batanglah jalutung yo mak oi, kayu lah di rimbo

Dilah buek urang yo mak oi, kayu lah butanak

Kalu lah diperuntung yo mak oi, bulah jadi kito..

Idak lah piruntung yo mak oi, balik lah dunsanak..2x

Musik...

Talang lahnyo kau yo dik oi, talang lah nan data

Talang lanyo kami yo nurun, mundaki lah manurun

Malang lah di kau yo dik oi, malang lah subenta..

Malang lah di kami, yo taun yo bulah ganti taun..2x

Sayanglah munyukam yo mak oi, lahdi lah di ayik dereh

Gugu lahnyo daun lah mudo, lah jaluanglahnyo mudo

Kami lah sekam yo mak oi, manumpang lah nyo bereh

Lambat launyo laun yo mak oi, tabuang lahnyo jugo..2x

Musik...

Pecahlanyo gendang yo dik oi, serempaknyo tigo

Idaklahnyo dapek yo sayang, bureleknyo gedang

Susah lahnyo senang yo dik oi, sudah lah ku cubo..

Hendak lah membuat yo dik, nak hidup ku senang..2x

Sayanglah kutalang yo mak oi, pegi lah mungeset

Batanglah dikeset yo mak oi, batanglah singkawang

Kamilah sipantung yo mak oi, buleranglah yo kuset..

Apilahnyo padam yo mak oi, puntung lah tabuang..2x

Baca Lirik

Lirik Lagu jambi Ketalang Petang

Ketalang Petang Vocal Cover Alamsyah

Pisangnyo lidi idak bajunjung

Patah menimpo batang langkueh

Buperang hati ku degan jantung oi dik

Mato mamandang nan idak pueh..2x

Iluk ba biduk, pado burenang

Kalu ka ile, sampai ka teluk

Iluk-iluk kau mumandang oi dik

Jangan bapike lah nan sedang mabuk..2x

Musik…

Kami biaso mandi kalubuk

Idak merubah tapian mandi

Hati siapo nan idak mabuk oi dik

Nampaklah buah nan bagantung tinggi..2x

Munanak lemang nan dari pagi

Lemang nyo masak dalam sehari

Jangan tagamang di buah tinggi oi dik

Tagantung nian di dalam hati..2x

Baca Lirik

Lirik Lagu Cik Minah - Dagang Manumpang

Lirik Dagang Manumpang

Cik Minah tekuluk putih

Pegi merancak darat pelayang...2x

Tanjung putus pulaulah beralih sayang dek oi

Dusun merindang berajo hilang..2x

Ikan sepat ikan tenggiri

Anaklah udang dibawah daun..2x

Idak dapat rambut yang keriting sayang dek oi

Biak mambujang sepuluh tahun..2x

Bahumo danau ketapang

Tanamlah padi sakiding duo..2x

Sakit nian daganglah manumpang sayang dek oi

Ayiklah keruh dimunum jugo..2x

Musik...

Ulang nyanyi dari awal

Baca Lirik

Lirik Lagu Untung Abih Vocal Wulan Duet

Lirik Untung Abih Vocal Wulan feat Edo Biola Harmaini

Vocal Batino:

Abang sayuti di Suko Rami
Pergi lah butalang di rimbo jauh
Sampai lahnyo hati mambuangnyo kami..
Kami tabuang yo bang oi, kerantau juah..2x

Vocal Jantan:
Anak lahurang mungabo jalo
Ikan lah takurung si anak masai
Bukan lahnyo abang mambuang miko..
Untung lah abih yo dik oi, kito lah bucerai..2x

Jeda Musik Biola...

Vocal Batino:

Kuala nangko masaklah mudo

buah lahnyo jatuh munimpo serai

Idak lah disangko nasib lahnyo kito..

Sedang lah sayang yo bang oi, kito lah bucerai..2x

Vocal Jantan:

Pegi ke bangsal membeli bato

Bangsal nlahnyoadao Muaro Bungo

Jangan lah disesal nasib lahnyo kito..

Sudah lah nasib yo dik oi, Tuhan yo nan Kuaso..2x

Jeda Musik Biola...

Vocal Batino:

Pegi ke bangsal membeli bato

Kini lahnyo abih rumah dak sudah

Idak lah kami sesal nasib lahnyo kito..

Kasih lah putuih yo bang oi, sayang dak sudah..2x

Vocal Jantan:

Hujan buderai di hari senjo

Dipagi lah hari buderai jangan

Sudah lah bucerai kito lah dimuko..

Tibo dihati yo dek oi, bucerai lah jangan..2x

Baca Lirik

Lirik Lagu Patah Sembilan Vocal Timot

Lirik Patah Sembilan Liric/Vocl. Timot

Jangan lah cemeh kidundung lah kupak

Pino lah pino dilaman nyo Jambi

Jangan lah cemeh kampung nan di ngusak..

Nganak la nan ngino, biak lah munyepi..2x

Umo sipao di musik lah nyo dusun

Padi lah ngabih dimakan nyo jawi

Kau lah bungo balik lah ke rumpun...

Bungo lah nan ngidak, bukarang lah lagi..2x

Musik...

Bujang simuluk mandi lah terejun

Anak lah cino mumbeli lah nyo bawang

Kau nan ngiluk tunggu lah di dusun..

Kami lah nan hino biak lah tibuang..2x

Ambik lah titin tempat lah mulayang

Untuk nyo jalan nan lalu lah kumo

Hidup musekin hino lah tibuang...

Dalam lah nyo kamoung idak lah piguno..2x

Musik...

Pado kuremak idak lah wak seding

Seding kipado nan jaja lah talang

Pado munsanak idak lah wak sedih..

Sedih lah kepado badan lah wak malang..2x

Senanglah nian ba umo di tanjung

Terbang kipyan gdi rimbo nyo jauh

Senang lah nian munsanak di kampun...

Maningok nyo badan tibuang nyo jauh..2x

Baca Lirik

Lirik Lagu Serampang Laut Vocal Timot

Lirik Sirampang Laut Liric Amran Vocal Timot

Ba lah umo, di deli dusun lah sayang

Umo la ngehen lah padi, ngiluk lahnyo di padi..2x

Itu wak segan oi.. nakan, balik lah ka dusun..

Idak tilawan la kanti, nan duneh nyo kanti..2x

Anak lah cigak, mandi di rantau lah sayang

Batang kikapung bungo, baru lah ba la bungo..2x

Manolah ngidak oi..nakan, turun lah birantau

Dalamlah kampung, biguno idak pi lah guno..2x

Musik…

Cik lah siti, rambut kariting lah sayang

Sarang punyengat lah kayu, dibawah lahnyo kayu..2x

Pedih lah ngati oi..nakan, bagai lah digunting

Sebab teringat lah kau, lah nan kato nan kau..2x

Dusun Babeko, binamo lah kampung lah sayang

Ado lah surang lah Junai, binamo lah Junai..2x

Ayik dimato oi..nakan, jemun lah ditampung

Parak munjadi lah sungai, si ayiknyo sungai..2x

Baca Lirik

Lirik Lagu Karinok Mangimbau

Lirik Krinok Ngimbau Urang Banyak

Wooooooooiiiii.... iiiiiiii.... iiiiiiiii... iiiiiiiii...

Payuh... lah kito... yooo... dunsanak busamo-samo

Payuhlahnyo kito......dunsanak busamo-samo

Kok kecik idak kami sebut namo

Kok gedang idak pulo kami sebut gela

Kami sebut..gela... yoi.... dik/bang/mamak/ninek

Nan sikuk salubuk, nan surang sarantau

Nan kecik sakti, nan gedang batuah..

Nan gedang batuah...yoi.... dik/bang/mamak/ninek

Nan sedang bajalan dilaman panjang

Nan sedang duduk dipelanta lueh

Nan sedang tegak disudut laman

Lah nan sudut..laman..yoi...dik/bang/mamak/ninek

Urang tuo cerdik pandai, alim ulama'

Nan manimbang samo berek

Nan mumbagi samo rato

Lah nan samo..rato..yoi...dik/bang/mamak/ninek

Kaum ibuk-ibuk, nan tau iring jo gandeng

lah nan tau baso jo basi

Nan badencing gelang ditangan

Nan gelang ditangan..yoi...dik/bang/mamak/ninek

Anak mudo, nan disuruh cepek pegi

Nan di umabu cepek tibo

Nan ingan tangan nan cepek langkah

Wooooooooiiiii.... iiiiiiii.... iiiiiiiii... iiiiiiiii...

(silakan disambung lagi...)

Baca Lirik

Lirik Lagu Serampang Bakilek Vocal Timot

Lirik Serampang Bakilek Vocal Timot

Serampang bukilek....

Keno munganak belang, bijubang la nan dibubelang

Keno munganak belang, bijubang la nan dibubelang

Rambang lah dimato, jangan di lah buek oi kan oi..

Ngarap diujung, dipangkal lah nyo ngilang..2x

Nganak lah cino....

Manjual bawang, jambi..bao lah kujambi

Jual lah bawang, jambi..bao lah kujambi

Badan la nan ku hino, zaman si lah karang oi kan oi...

Ibarat tanggo..bawah si lah kali...2x

Jeda Musik Biola...

Kalu keremak di bungo....

Idak munyambal pauh, si putik lah pauh 

Idak munyambal pauh, putik lahnyo di pauh

Kalu lah nan di ngado, bunsanak pigono oi kan oi..

Idak lah badan, tibuang lah jauh...2x

Jemu kitalang....

Ketalang ngidak, agi kebaruh nyo ngagi

Ketalang ngidak, agi kebaruh lah nyo ngagi

Jemun lah nan dimalang, sekali lah nan iko oi kan oi..

Malang lah idak, dimujo nyo ngagi...2x

Baca Lirik

Lirik Lagu Hujan Gerimis Efendi-Erawati

Lirik Hujan Gerimis Vocal Duet

Vocal Batino:
Apo diharap ile kujambi
Bukayuh biduk perahu sumbing..2x
Apolah diharap kepado kami…
Harap buteduh yo bang oi, kayu muranting…2x
 
Vocal Jantan:
Batang buringin di ateh bukit…
Hedak ditanam di dalam ayik…2x
Idak lah ku sedih hidup musekin…
Asal peruding yo dik oi… nak samo baik
 
Musik
 
Vocal Batino:
Pandailah nian kamu manyalo
Jalo di ambo buduk kutepi…2x
Pandalah nyo nian kamu bukato…
Lain di mulut yo bang oi… lain dihati..2x
 
Vocal Jantan:
Pandailah nian buselop jepang
Telapak hijau butali putih…2x
Pandailah nyo nian, kau bikundang…
Ibarat pulau yo dik oi… disisih buih…2x
 
Musik…
 
Vocal Batino:
Tinggi lah nian tebing pelangki
Urang burempek mumikul tiang…2x
Idaklah ku sedih badan ku mati…
Asal setempat yo bang oi…nyawo ku ngilang…2x
 
Vocal Jantan:
Akulah idak bu bento duo
Bento dibuat nan buluh mayan…2x
Akulah nak idak buakto duo…
Kato sabuah yo dik oi…nan iyo nian..2x

Baca Lirik

Lirik Lagu Brahim Nalo Vocal Hijrul

Lirik Ibrahim Nalo - Kain Bunepo

Oi..brahim nalo 
Matilah yang lah dibunuh si junai idi
Sejak lah yang lahnyo masuk yo dik oi kain bunepo..
Sampailah tabuang kaci nak lah kain kaci..2x

Aku idak ba bento duo
Bento lah yang lah sebelah..didalam padi
Aku lah yang nyo idak yo dik, bakato lah duo..
Katolah sapatah hati, dilah dalam hati..2x

Ambik parang terbanglah bulu
Buluh lah yang lah tatebang, si buluh miang
Payuhlah yang lahnyo kito yo dik oi..minum lah sabaluh..
Bulehlah tahimpun sayang, nan lah kasih sayang..2x

Kalu ado kaco dipintu
Daunlah yang lahnyo dedap...paibat nasi
Kalulah yang lahnyo ado yo dik oi...kato begitu...
Alanglah kasedap, hati raso lah di hati...2x

Musik...

nyanyi ulang dari Ambi Parang

Baca Lirik

Lirik Lagu Ruak-Ruak Vocal Hijrul

Lirik Ruak-Ruak Cipta Hijrul

Ruak-ruak mudik lah ketebing, dindanglah dik sayang
Kudo berentak-kudo berentak di ateh papan
Idak katuak manjudu emping, dindanglah dik sayang
Idak kacuko-idak cuko melawan santan

Oi..dik sayang, idak kacuko dik sayang...
Oi...dik, melawan santan..2x

Panggang sarap timbunlah puntung, dindanglah dik sayang
Laman semak, lamanlah semak di sarap balai
Hati harap memandang gunung, dindanglah dik sayang
Tangan balebih-tangan balebih idaklah sampai

Oi..dik sayang, tangan balebih dik sayang...
Oi...dik, idaklah sampai...2x

Baca Lirik

Lirik Lagu Jembatan Putuih Voc Alamsyah

Jembatan Putuih Cipta Radinal

Rall...
Oi, sayang... ibo... nian dek...
Jembatan putuih...badan... malang

Musik...

Kami bujalan ka ujung tanjung

Oi..disitu tempat lah sayang orang ba umo..2x

Hidup lah bangsat duduk dikampung lah sayang

Dunsanak banyak idak baguno..2x

Lain lah nian keremak kini

Ba buah pandan lah sayang baru ba bungo..2x

Oi..lain lah nian lah sayang dunsanak kini

Batuah badan, baru baguno..2x

Musik...

Ayamlah kurik butambang besi

oi..numpang bupaut lah sayang dirumpun pandan..2x

ile lah mujdik lah sayang dunsanak benci

pegi ke laut mambuang badan..2x

Balita abang takuluk abang

Oi..tibo di baju abang sekerat

Bapak ku malang induk ku malang lah sayang

Tibo di aku jangan mularat..2x

Baca Lirik

Lirik Lagu Bucerai Sayang Vocal Efendi

Lirik Bucerai Sayang Duet Efendi Feat Erawati

Bulahderai yo dik oi… hujan di ladang
Batang sunyanit yo dik oi…nak rubuh-rubuh
Kito bucerai yo dik oi… nak sedang sayang
Jadi punyakit nak badan tubuh
 
Bularik yo dik oi… capo di rimbo
Anak lah ruso yo dik oi… mumakan alai
Kamano busik yo dik oi… kito baduo yo sayang
Idak di aso kito bucerai
 
Musik…
Ayiklah mato yo dik oi… jatuh buderai
Ku petik gitar yo dik oi…muribo-muribo
Dapek burito yo dik oi... kau dirantau yo sayang
Raso gemetar seluruh tubuh
 
Pecah mangkuk yo dik oi…pinggan bagewang
Pecah dipetik uo dik oi… si ranting patah
Pantaslah tanduk yo dik oi… nak kau buang yo sayang
Kau munapek gading batuah
 
Musik…
Pagilah hari yo dik oi.. munyalin pukek
Dimun dipasang yo dik oi.. dihari senjo
Kucari ganti yo dik oi…mungkin kadepak yo sayang
Namun punano ka kau jugo
 
Siraklah dulu yo dik oi.. sijalo rambang
Anak sikuncur yo dik oi… butali-tali
Ulak lah budi yo dik oi..aku nan malang yo sayang
Nak mujo kau bucari ganti

Baca Lirik

Lirik Lagu Mangulak Kato Radinal Duet

Mangulak Kato E..Kau Yo Dik Cipta Radinal

Vocal Batino

Sudah ku cubo munanm nyo sirih
Batangnyo padi di dalamnyo pelak
Sudah ku cubo bumain kasih... ee..ee yo bang
Tentang nak jadi abang mangulak...2x

Vocal Jantan
Bukanlah baju dalam lah perahu
Baju tu nian di dalamnyo kapal..2x
Bukan dak sanggup jadi dengan kau ee.ee..yo dik
Abang lah takut kau manyesal..2x

Vocal Batino

Pandai lah nian kamu lah batudung
Tudungnyo putih di tepinyo umo..2x

Pandailah nian kamu mumancung ee..ee yo bang
Tulanglah putuih daging dak keno..2x

Vocal Jantan

Kalu lah rebah kayu lah di rimbo
Buluhnyo manyan di potongnyo tigo...2x
Abanglah idak malah ngubah kato ee.ee..yo dik
Untung tu nian nak belum ado...2x 

Baca Lirik