Lirik Lagu Hilang Basamo - Duet

Lirik Hilang Basamo Vocal Radinal dan Fitri

Vocal Jantan:

Munenabang tebu sepucuk

Iluk titebang kudengan pisau

Kami lah hilang sereto rajuk..

Bia lah hilang sepanjang rantau..2x

Vocal Batino:

Talang kamu bang, talangnyo datar

Talangnyo kami daki manurun

Malang kamu bang malang sebentar...

Malangnyo kami buganti tahun...2x

Vocal Jantan:

Awak lah duduk muminum kopi

Belum diminum kopi lah tabuang

Tulung lah tunjuk rimbo nan sunyi..

Tempat mambuang badan ku malang..2x

Vocal Batino:

Iluk-iluklah iluk munanm pisang

Pisang ditanam ditepi umo

Idak ba bagih ilang lah surang..

Iluk lah kito ilang basamo..2x

Balik nyanyi dari awal gi...

Baca Lirik

Lirik Lagu Hati Merindu - Duet

Lirik Lagu Jambi Hati Merindu

Vocal Jantan:

Urang kerinci yo dik oi munanam selasih

Tumbu selasih yo dik oi dibawah tanggo

Urang lah benci yo dik oi kusangko kasih

Tapakso badan yo dik oi pegilah bujalan

Vocal Batino:

Dari sebarang yo bang oi hendak ka umo

Tibo ditalang yo bang oi menuailah padi

Hati ku bimbang yo bang oi batanyo-tanyo

Mungapo abang yo bang oi muninggal kami

Vocal Jantan:

Janganlah cemeh yo dik oi minyak lah tabayak

Batang kapayang yo dik oi agi lah ba bungo

Jangan lah cemah yo dik oi kasih lah batuah

Sanyangnyo abang yo dik oi macam lah lamo

Vocal Batino:

Tudung baludu yo bang oi lah nan kain putih

Hendak dibao yo bang oi ketanjungnyo gedang

Tanjunglah putus yo bang oi pulau lah buralih

Letak dimano yo bang oi nan kasih sayang

Vocal Jantan:

Ambiklah pisang yo dik oi bao lah ka ulu

Pisang dijemput yo dik oi dibawah tanggo

Adik kusayang yo dik oi sabarlah dahulu

Abangkan jeput yo dik oi suatu maso

Vocal Batino:

Masaknyo buah yo bang oi durianyo hijau

Masak sabelah yo bang oi cundunglah kamudik

Biak mambumbung yo bang oi ke langitnyo hijau

Namun nyo bang yo bang oi ku tantik balik

Baca Lirik

Lirik Lagu Ee Yo Dek

Lagu Ee Yo Dik Pantun Klasik

Sejak dimano padi lah ku ngampo

Sejak baumo dek dilubuk bulin..2x

Oi sejak dimano lah hati lah ku ibo.. ee kau yo dik

Sejak dikau dek mungalih ke urang lain

Dari oi ku ngajak lah mandi

Kau nak mandi dek ke pangka lah bulin..2x

Oi dari lah dulu ku ngajak kau jadi.. ee kau yo dik

Kau buganti dek ke orang lahnyo lain

Bulah biduk lah nan lalu nyo kumo

Luan munuju kurantan nyo duku..2x

Idak ku telok bucerai lah nyo lamo..ee kau yo dik

Bayangnyo bayang ku sangko lahnyo kau

Mudik batimpek ngile lahnyo bamubil

Hendak munempuh jerambahnyo papan..2x

Idaknyo dapek, bungolah satingkil..ee kau yo dik

Bialah lah kumbang dek, mati lah murgan

Bujang bunamo lah si bujangnyo hasan

Hendak ketalang mungambiknyo kayu..2x

Lain lah nian kendaklahnyo badan..ee kau yo dik

Hedaklahnyo mati dek, dipangkuan kau

Patahnyo galah lah ditengahnyo laman

Bulah biduk, lah di dalamnyo payo..2x

Kalunyo kau idak lah pucayo..ee kau yo dik

Payuh basampah lah bujawat tangan

Baca Lirik

Lirik Lagu Jambi Munentang Untung

Lirik Lagu Munentang Untung Duet

Vocal Batino:

Kalu nak mandi, hendak burenang

Jangan nak mandi, tepiannyo ujo..2x

Kalu nak cari, buhati senang

Jangan nak jadi bang, kami sengsaro..2x

Vocal Jantan:

Idak ku milih, kain burendo

Asal bukain, ikatlah di pinggang..2x

Idak ku milih, musekin Kayo

Asallah adik, yo adik buhati senang...2x

Musik...

Vocal Batino:

Buah cempedak, jatuh ke laman

Hendak ku bawo, ke ujungnyo tanjung..2x

Sudah ku kimak, ditapak tangan

Idak kan ado yo bang, munentang untung..2x

Vocal Jantan:

Hidupnyo api, panggangnyo kayu

Masaknyo undang kenolan nyo jalo..2x

Hidupnyo mati, ditangan kau

Maitnyo bangkai dek oi, la sampai jugo..2x

Baca Lirik

Lirik Lagu Radinal JERAT SEMATO

Jerat Semato Cipta/Vocal Radinal

Sejak putuih talinyo tanggo

Tanggolah idak ba bena lagi

Sejak putuih jerat semato..

Rimnolah idak ku ulang lagi..2x

Jerat ku pasang tali tembago

Raso ka idak nyo putuih lagi

Harap di unding jadi baduo..

Kato mungilak nan tumbuh kini..2x

Balam tembago kepaknyo ayo

Terbang melampai di batang manggih

Dalam ba iyo ba idak pulo..

Badan dibuai dek cakap manih..2x

Tumbuh cabe mulai babungo

Tenawan jaja dibawah titin

Jauh tapike dalam penano...

Angin ba buta ke tempat lain..2x

Anak buayo di dalam sumur

Mati dipatuk si ular lidi

Habis dayo si bintang timur..

Bulan di gandeng si mato hari..2x

Bungo selalsih ditepi pantai

Bungnyo jatuh ke dalam laut

Kalu ku tau kasih dak sampai..

Ku ilo langkah ku bawo surut..2x

Baca Lirik

Lirik Lagu Lapik Pandan Radinal

Lapik Pandan Cipta/Vocal Radinal

Intro Musik...

Daun kemangi di tengah laman..

Batangnyo sedang ba buah kini..2x

Sepantun kami nyo lapik pandan..

Badan dibentang setiap hari..2x

Bawo gendang dengannyo egung..

Hendak dibunyi dimalam hari..2x

Pabilo datang tamu nan agung..

Lapik diganti nyo permadani..2x

Musik...

Nampaknyo bungo si batang serai

Sedang tumbuh dibawah nagko..2x

Banyak diguno sering dipakai

Sayang dipandai sebelah mato..2x

Urang munapak di pagi ahri

Budak-budak sedang bajalan..2x

Kadang dibuek pangampa padi

Lapuk taletaknyo lapik pandan..2x

Baca Lirik

Lirik Lagu Munentang Matohari Radinal

Manentang Matohari Cipta Radinal

Vocal Jantan:

Macam mano, macamlahnyo mano kito nak muniti

Titian patah, titiannyo patah jurang nan mamisah

Macam mano nak dapek kendak hati yo dik..

Urang tuo kau lah menahan langkah..2x

Vocal Batino:

Idak kayu, idaklahnyo kayu jenjang lah ku keping

Idak rotang, idaklahnyo rotan aka lah pun jadi

Idak nian dapat tempat burunding yo bang..

Jalan disilang adek langkahi..2x

Vocal Jantan:

Jangan nak nentang, janganlah nak nentang lah si matohari

Pike mato, pikelahnyo mato acamlah ka buto

Jangan diturut kehendaknyo hati yo dik..

Baduso pulu kito jadinyo..2x

Vocal Batino:

Kendak hati, kendaklahnyo hati bia lahnyo mati

Kendak mato, kendaklahnyo mato bia lahnyo buto

Kalu dak jugo di tuainyo padi yo bang....

Biak lah ampo padi selamonyo..2x

Vocal Batino:

Selagi badai, selaginyo badai gendang lah menghadang

Usah menyosong, usahlah menyongsong biduk lah ketengah

Kalunyo badai idak kunjung tenang yo dik..

Kepado Tuhan kito lah munyerah..2x

Vocal Jantan:

Bia tapisah, bialah tapisah asam dengan garam

Dalam belango, dala belango nyo batemu jujgo

Walau di dunio kita tapisahkan yo bang...

Untung isuk basatu di dalam Surgo..2x

Baca Lirik

Lirik Lagu Bagumbak Rujuk Erawati

Bagumbak Rujuk Vocal Erawati

Katakuk burung bagumbak

Muribo-ribo dikayu lapuk

Pado tajebo nan bateh kiak..

Iluk nan kito bubalik rujuk..2x

Beribu-ribu benang di laci

Mungapo unak butali rotan

Buribu-ribu sayang di hati..

Mengapo telak abang jatuhkan..2x

Musik...

Panjang unak nan utan udang

Panjang bujilo sampai seberang

Mungulang anak mukesud abang..

Mungulang jando nan kato urang..2x

Kiro unuk si rotan paku

Idak butali nan rotan sikai

Sekiro telak ditangan aku..

Sampailah mati idak bacerai..2x

Musik...

Kiro banyak kabau dipelak

Idak mumupuh kuliling mudo

Pabilo anak mungibau bapak..

Hati ku mabuk separo gilo..2x

Sungai mancur ayik nyo tenang

Sungguhpun tenang dereh ka tepi

Hati ku hancur pike dak tenang..

Tido sekejap munjadi mimpi..2x

Baca Lirik

Lirik Lagu Mati Tunang Vocal Radinal

Mati Tunang Cipta Radinal

Batang talasih, batang talasih di dalam padi..2x

Jatuh satingkil dek oi, jatuh setinggkil dibawah tanggo..2x

Sedang bukasih, sedang bukasih adik lah pegi..2x

Sudah dipanggil dek oi, sudah dipanggil Tuhan Kuaso..2x

Idak disangko, idak disangko mungkirai rebah..2x

Telasih gedang dek io, telasih gedang babuah belum..2x

Idak disangko, idak disangko bucerai elah..2x

Kasihnyo sayang dek oi, kasihnyo sayang barubah belum..2x

Musik...

Ayik Gemuruh, ayik kemuruh nan dusun dalam..2x

Anak katiti dek oi, anak katiti mumakan padi..2x

Langit lah runtuh, langit runtuh dunio karam..2x

Ba itu pike dek oi, baitu pike badan ku kini..2x

Harilah jumat, hari jumat pegi ke Bungo..2x

Tibo dibungo dek oi, tibo dibungo beli semangko..2x

Kalu dak ingat, kalu dak ingat kepado duso..2x

Iluk lah badan dek oi, iluk lah badan mati busamo..2x

Baca Lirik

Lirik Lagu Mabuk Ka Jando Vocal Radinal

Mabuk Kajando Cipta Radinal

Kapal bugandeng nan duo tigo

Dalamnyo ayik dibatang Tebo..2x

Kepalak pening dak tentu raso

Macam tu raso hidup murando..2x

Pegi kepada membeli tali

Tali tabeli nan tigo warno..2x

Tengah malam tiduk ba mimpi

Bantal guling ku sangko jando..2x

Musik...

Budak-budak pegi ke Sabak

Tibo di Sabak mandi busamo..2x

Kalu ta tengok kepado anak

Rasonyo nak balik ke jando lamo..2x

Jual kemiyan di pasar jambi

Hendak nyo balik hari lah senjo..2x

Kesal nian raso dihati

Hendak bubalik talak lah tigo..2x

Musik...

Balik nyanyi dari awal gi...

Baca Lirik

Lirik Lagu Sebatang Karo Vocal Wo in

Lirik Sebatang Karo Cipta Wo In

Dahan kepayang jatuh karumput

Kepayang tuo di tanah tumbuh..2x

Jalan nan panjang nan lah diturut

Padang nan ujo nan lah ditempuh..2x

Sayang ku dengan bunyinyo kuwau

Jauh dak nampak dibalik semak..2x

Sebatang kara hidup di rantau

Jauh nan dari dunsanak banyak..2x

Musik...

Laut ujo payang di renang

Di pulau panjang mungampa baju..2x

Kusut kura susah ku surang

Dirantau urang mano nak ngadu..2x

Sudah di ikat pandan sabiduk

Bawo ka jambi kadusun teluk..2x

Nan sukat badan nan idak iluk

Umpamo padi nan patah puduk..2x

Ulang nyanyi dari awal..

Baca Lirik

Lirik Lagu Jambi Terbaru Linjang Tuo

Lirik Linjang Tuo Vocal Horip

Ku kiro jando mudo

rupo takiro jando tuo

Dio gelak sambil ketawo

Tampak gusi gigi dak ado

Mohon maaf dalam munyapo

Salah nyebut dalam bukato

Memang parah linjang tuo

Macam beruk batemu kaco

Linjau tuo memang bahayo

Kemano pegi pakai minyak tanco

Sampai baliyau bentuk keningnyo

Anak gadis nengok tegelak sajo

Nyo menyangko nak gadis iko

Rupo tagelak liyek keningnyo

Nyo pantak tagelak pulo

Tampak gusi gigi dak ado

Ulang nyanyi dari awal...

Baca Lirik

Lirik Lagu Nasib Malang Rentak Kudo

Lirik Nasib Malang Cipta Mahidin

Anak itik renang burenang

Tudung kaki lah dek buayo

Bapak dapat tempan nan senang

Toloang lah kami dengan pucaro

Oi...nasib malang, oi..mak malang nian..2x

Kalu karimbo pegi barotan

Dapek lah rotan nan tigo puluh

Bapak naik ke gedung intan

Tulak lah kami jo rakit buluh

Oi...nasib malang, oi..mak malang nian..2x

Hitam manis nak daun puding

Hijau palepah nan daun pisang

Urang lain tunjuk parunding

Anak nan surang bia tabuang

Oi...nasib malang, oi..mak malang nian..2x

Agi dulu baterum tunjuk

Ulah dek anak nan urang pandang

Agi dulu kito sabiduk

Kini budayung nan surang-surang

Oi...nasib malang, oi..mak malang nian..2x

Kalu kayik pegi mandulang

Pegi mandulang kesungai pauh

Hitam tanduk biak lah hilang

Pengganti ado gading batuah

Oi...nasib malang, oi..mak malang nian..2x

Sayang mundaki puradun buluh

Nampak nan dari nan pondok tinggal

Lebih letih peredam peluh

Ingatkan jugo anak nan tinggal

Oi...nasib malang, oi..mak malang nian..2x

Baca Lirik

Lirik Lagu Janji Dak Jadi

Lagu Janji Dak Jadi Vocal Ira Sanusi

Sudah lah lamo membeli benang

Benang lah abang lah bakirim pulo..2x

Sudah lah lamo duduk batunang

Janji sabulan lah batuhun pulo..2x

Kalu ku tau capo nak rebah

Batanglah padi panungkat daunnyo..2x

Kalu ku tau kato barubah

Idak bujanju sejak dahulunyo..2x

Reff:

Bueklah biduk kajang seribu

Untuk penembus ke dusun tuo

Sampailah lapuk tu lengan baju

Untuk punghapus nan ayik mato

Dusun pemenang jembatan gantung

Hendak manuju ke dusun tuo

Burung lah punai mati tagantung

Ulah bumakan buah babiso

Baca Lirik

Lirik Lagu Basuluh Daun Pisang Erawati

Basuluh Daun Pisang Cipta Zakaria Vocal Erawati

Juluk satingke nan buah duku

Jangan lah sampai bang, jatuh ke padang..2x

Iluk bapike belum telaju

Jangan takicuh bang, tempek nan terang..2x

Jarang nak tumbuh nan kau kacang

Iluk lah tumbuh nan kau padi...2x

Jangan basuluh nan daun pisang

Iluk basuluh bang, ke mato hari..2x

Reff:

Aku bukit lengeh nan pematang kering

Barumput idak capolah tiado

Padi ku tanam lalang lah nan tumbuh

Kunyik ku gali, kini putih isi

Begitulah nasib si badan lah diri

Hidup tasisih nan dari lah kanti

Bao lah biduk tebing seberang

Hendak menyalo bang, dipadang kumpai..2x

Kubawok duduk ba menung surang

Ayik lah mato bang, jatuh buderai..2x

Baca Lirik

Lirik Lagu Disambar Elang Vocl. Erawati

Lagu Disambar Elang Cipta Zakaria

Iyo lah panjang nan kau pandan..

Tibo dilaman diterbang urang..2x

Iyo lah malang nan kau badan..

Ayam ditangan disambar elang..2x

Tanjung lah putuih tebing seberang..

Tempek lah urang nan kayik mandi..2x

Tali lah putuih burung terebang..

Tinggal kami munggigit jari..2x

Musik...

Payah lah nian padi disawah..

Padi nak sedang lah rebah mudo..2x

Payah lah nian mencari tuah..

Nasib nak malang nan malang jugo..2x

Pipit terebang ke dalam rimbo..

Makalah pucuk batang mengkudu..2x

Nasib lah malang nak malang jugo..

Intan dipeluk munjadi batu..2x

Baca Lirik

Lirik Lagu Bukilah Kato - Duet

Bukilah Kato Vocal Iswandi dan Wulan Sari

Vocal Jantan:

Aku tau di padi baru..

Pancung pua dek ditepi jalan..2x

Akulah tau dihati kau..

Iluk dilua mancung di dalam..2x

Vocal Batino:

Pinang abang di dusun baru

Putik kapayang di dalam padi..2x

Jangan abang kato ba itu

Adek lah sayang sepenuh hati..2x

Musik...

Vocal Jantan:

Ambik duku di pulau pelayang

Dalam ayik dek ado buayo..2x

Abang tau adek lah sayang

Kareno adik ado yang punyo..2x

Vocal Batino:

Pisang masak dipulau pandan

Bao ke bangko membeli cicin..2x

Urang dak endak bayak alasan

Karno aku urang musekin..2x

Ulang nyanyi dari awal gess....

Baca Lirik

Lirik Lagu Hilang Di Rantau

Hilang Dirantau Cipta Karem Sagam

Kalakapung kayulah dilaman

Batang durian api, makanlahnyo api

Tinggallah nyo kampung lah yo dik, tinggal halaman

Tinggallah tupian na mandi, nan kayiklah mandi..2x

Kayulah apung, kayu lah tu alang

Dimakan anak, barau sibuutng nyo barau

Kalulah nyo untung lah yo dik, mambao pulang

Kalulahnyo idak, dirantau hilanglah dirantau...2x

Musik...

Pegi ke rimbo pegi lah ba utan

Utan kapak tarik, akar lah ditarik

Badanlah sapantun lah yo dik, barupo hutang

Harilahnyo petang, balik kamano nak balik..2x

Balah dendum, guruh lah di hulu

Manyahut taga ulak dilah taga ulak

Untunglahnyo sudah lah yo dik, ado dahulu

Macamlah mano ngilak, badanlah mungilak..2x

Baca Lirik

Lirik Lagu Jambi Perahu Laju

Perahu Laju Vocal Rahmi dan Andi

Vocal Jantan:

Lajulah-laju perahu laju

Laju ku dayung ke tengah laut

Vocal Batino:

Rindulah-rindu hati ku rindu

Rinduk dek hati sudah terpaut

Vocal Jantan:

Bukan perahu bae nak laju

Perahu layar lebih lah laju

Vocal Batino:

Bukannyo abang bae nak rindu

Adek nan tinggal rindu lah jugo

Jeda Musik...

Vocal Jantan:

Payah lah nian ketalang jauh

Sakitlah kaki ta tijak kayu

Vocal Batino:

Payah lah nian batunang jauh

Sakitlah hati manunggung rindu

Vocal Jantan:

Pucuklah pauh selaro pauh

Daun kemumu di dalam padi

Vocal Batino:

Adeklah jauh abang pu jauh

Kito batemu di dalam mimpi

Jeda Musik...

Vocal Jantan:

Tajamlah kapak dari beliung

Buat penebang kayu yang tinggi

Vocal Batino:

Kalu bakepak serupo burung

Abang ku ulang petang dan pagi

Vocal Jantan:

Tebang lah buluh ditepi payo

Jadikan niru penampi padi

Vocal Batino:

Walaupun abang jauh dimato

Namun bagiku dekat dihati

Baca Lirik

Lirik Lagu Sipat Cilako Vocl Wo In

Lirik Sipat Cilako Cipta/Vocal Wo In

Padi pulut keraplah di umo

Ba umo padi lah dilah tepi payo..2x

Ulah manurut sipat cilako

Ba mudo hati bumain mato

Ba mudo hati may bumain mato

Hendak mungerai lah ba biduk amo

Anak biawak sedang di burenang..2x

Harap dipunai nan ilu rupo

Balam nan jinak nan aku buang

Balam nan jinak may nan aku buang

Musik..

Lebat kedundung sedang lah babuah

Buahnyo kini gedang lah dak iluk..2x

Tempat bugantung nan sudah patah

Kemano kini badan ku bao

Kemano kini may badan ku bao

Ambik kelapo lah dilah tepi laut

sudah ku gulai ikan lah saluwang..2x

Kini ko apo ka nan sibut

Ulah perangai badan lah tabuang

Ulah perangai may, badan lah tabuang

Baca Lirik