Lirik Lagu Jambi Nasib Malang

Nasib Malang Cipta Mahidin

Anak itik renang burenang

Tudung kaki lah dek buayo

Bapak dapat tempan nan senang

Toloang lah kami dengan pucaro

Oi...nasib malang, oi..mak malang nian..2x

Kalu karimbo pegi barotan

Dapek lah rotan nan tigo puluh

Bapak naik ke gedung intan

Tulak lah kami jo rakit buluh

Oi...nasib malang, oi..mak malang nian..2x

Hitam manis nak daun puding

Hijau palepah nan daun pisang

Urang lain tunjuk parunding

Anak nan surang bia tabuang

Oi...nasib malang, oi..mak malang nian..2x

Agi dulu baterum tunjuk

Ulah dek anak nan urang pandang

Agi dulu kito sabiduk

Kini budayung nan surang-surang

Oi...nasib malang, oi..mak malang nian..2x

Kalu kayik pegi mandulang

Pegi mandulang kesungai pauh

Hitam tanduk biak lah hilang

Pengganti ado gading batuah

Oi...nasib malang, oi..mak malang nian..2x

Sayang mundaki puradun buluh

Nampak nan dari nan pondok tinggal

Lebih letih peredam peluh

Ingatkan jugo anak nan tinggal

Oi...nasib malang, oi..mak malang nian..2x

Baca Lirik

Lirik Lagu Hilang Dirantau Vocal Iswandi

Hilang Dirantau Cipta Karem Sagam

Kalakapung kayulah dilaman

Batang durian api, makanlahnyo api

Tinggallah nyo kampung lah yo dik, tinggal halaman

Tinggallah tupian na mandi, nan kayiklah mandi..2x

Kayulah apung, kayu lah tu alang

Dimakan anak, barau sibuutng nyo barau

Kalulah nyo untung lah yo dik, mambao pulang

Kalulahnyo idak, dirantau hilanglah dirantau...2x

Musik...

Pegi ke rimbo pegi lah ba utan

Utan kapak tarik, akar lah ditarik

Badanlah sapantun lah yo dik, barupo hutang

Harilahnyo petang, balik kamano nak balik..2x

Balah dendum, guruh lah di hulu

Manyahut taga ulak dilah taga ulak

Untunglahnyo sudah lah yo dik, ado dahulu

Macamlah mano ngilak, badanlah mungilak..2x

Baca Lirik

Lirik Lagu Jambi Perahu Laju Duet

Perahu Laju Vocal Rahmi dan Andi

Vocal Jantan:

Lajulah-laju perahu laju

Laju ku dayung ke tengah laut

Vocal Batino:

Rindulah-rindu hati ku rindu

Rinduk dek hati sudah terpaut

Vocal Jantan:

Bukan perahu bae nak laju

Perahu layar lebih lah laju

Vocal Batino:

Bukannyo abang bae nak rindu

Adek nan tinggal rindu lah jugo

Jeda Musik...

Vocal Jantan:

Payah lah nian ketalang jauh

Sakitlah kaki ta tijak kayu

Vocal Batino:

Payah lah nian batunang jauh

Sakitlah hati manunggung rindu

Vocal Jantan:

Pucuklah pauh selaro pauh

Daun kemumu di dalam padi

Vocal Batino:

Adeklah jauh abang pu jauh

Kito batemu di dalam mimpi

Jeda Musik...

Vocal Jantan:

Tajamlah kapak dari beliung

Buat penebang kayu yang tinggi

Vocal Batino:

Kalu bakepak serupo burung

Abang ku ulang petang dan pagi

Vocal Jantan:

Tebang lah buluh ditepi payo

Jadikan niru penampi padi

Vocal Batino:

Walaupun abang jauh dimato

Namun bagiku dekat dihati

Baca Lirik

Lirik Lagu Jambi Sebatang Kara

Lirik Sebatang Karo Cipt/Vocl Wo In

Dahan kepayang jatuh karumput

Kepayang tuo di tanah tumbuh..2x

Jalan nan panjang nan lah diturut

Padang nan ujo nan lah ditempuh..2x

Sayang ku dengan bunyinyo kuwau

Jauh dak nampak dibalik semak..2x

Sebatang kara hidup di rantau

Jauh nan dari dunsanak banyak..2x

Musik...

Laut ujo payang di renang

Di pulau panjang mungampa baju..2x

Kusut kura susah ku surang

Dirantau urang mano nak ngadu..2x

Sudah di ikat pandan sabiduk

Bawo ka jambi kadusun teluk..2x

Nan sukat badan nan idak iluk

Umpamo padi nan patah puduk..2x

Ulang nyanyi dari awal..

Baca Lirik

Lirik Lagu Jambi Sipat Cilako

Lirik Sipat Cilako Cipta/Vocal Wo In

Padi pulut keraplah di umo

Ba umo padi lah dilah tepi payo..2x

Ulah manurut sipat cilako

Ba mudo hati bumain mato

Ba mudo hati may bumain mato

Hendak mungerai lah ba biduk amo

Anak biawak sedang di burenang..2x

Harap dipunai nan ilu rupo

Balam nan jinak nan aku buang

Balam nan jinak may nan aku buang

Musik..

Lebat kedundung sedang lah babuah

Buahnyo kini gedang lah dak iluk..2x

Tempat bugantung nan sudah patah

Kemano kini badan ku bao

Kemano kini may badan ku bao

Ambik kelapo lah dilah tepi laut

sudah ku gulai ikan lah saluwang..2x

Kini ko apo ka nan sibut

Ulah perangai badan lah tabuang

Ulah perangai may, badan lah tabuang

Baca Lirik

Lirik Lagu Jambi Linjang Tuo

Lirik Linjang Tuo Vocal Horip

Ku kiro jando mudo

rupo takiro jando tuo

Dio gelak sambil ketawo

Tampak gusi gigi dak ado

Mohon maaf dalam munyapo

Salah nyebut dalam bukato

Memang parah linjang tuo

Macam beruk batemu kaco

Linjau tuo memang bahayo

Kemano pegi pakai minyak tanco

Sampai baliyau bentuk keningnyo

Anak gadis nengok tegelak sajo

Nyo menyangko nak gadis iko

Rupo tagelak liyek keningnyo

Nyo pantak tagelak pulo

Tampak gusi gigi dak ado

Ulang nyanyi dari awal...

Baca Lirik

Lirik Lagu Jambi Pucuk Setepung

Pucuk Satepung Duet Cipta Radinal

Vocal Jantan:

Semak umo, semak umo di rumput kudo

Semak ku siang, semak ku siang dek, jalan ka umo

Hendak kemano, hendak kemano hidup ku bao

Tempat membuang, tempat membuang dek badan celako

Vocal Batino:

Jalan ka umo, jalan kamu dipetang hari

Payah bajalan, payah bajalan bang kami dalam rimbo

Jangan ba ibo, jangan ba ibo munyeding diri

Sudah bagian, sudah bagian bang apolah dayo

Musik..

Vocal Jantan:

Pucuk setepung, pucuk setepung idak ba bungo

Putiknyo pauh, putiknyo pauh dek mulai nak gedang

Duduk dikampung, duduk dikampung idak baguno

Iluk ku jauh, iluk jauh dek kerantau urang

Vocal Batino:

Kalu abang, kalu abang mandi ka pulau

Sabun dibao, sabun dibao bang mandi batimbo

Kalu abang, kalu abang pergi kerantau

Dusunnyo kito, dusunnyo kito jangan dilupo

Musik...

Vocal Jantan:

Pucuk setepung, pucuk setepung idak ba bungo

Putiknyo pauh, putik nyo pau dek mulai nak gedang

Duduk dikampung, duudk dikmapung idak baguno

Iluk ku jauh, ilkuk jauh dek kerantau urang

Vocal Batino:

Kalu abang, kalu abang mandi ka pulau

Sabun dibao, sabun dibao bang mandi batimbo

Kalu abang, kalu abang pergi kerantau

Dusunnyo kito, dusunnyo kito jangan dilupo

Baca Lirik

Lirik Musekin Sudah Cover Vocal Alamsyah

Lirik Musekin Sudah Cipta Radinal

Kalu nak cubo burakit kayu

Ambik buliyung punebang kentang, malangnyo badan

Kalu nak tau, busakin hidup...

Ibarat burung nak terebang petang..2x

Umput senyanit ditepi sawah

Ambik nyo padi dipadang lalang, malangnyo badan

Hidup busakin, muskein sudah..

Dapatlah pagi, nak makannyo petang..2x

Musik...

Ba umo pelak dibukit tebat

Nampaknyo ruan, burenang-renang, malangnyo badan

Baharto idak, hidup mularat..

Idak ka tuan, nak dipandang urang..2x

Pecah gedang serempak tigo

Idaknyo dapat burelek gedang, malangnyo badan

Susahnyo senang, sudah ku cubo..

Hendak membuat, nak hidup ko senang..2x

Baca Lirik

Lirik Lagu Jambi Pantun Jando Marajuk

Jando Merajuk Vocal Cover Alamsyah

Banyaklahnyo talang yo dik oi, pulah karo talang

Idak lah mulebih jurami, nan talang lah jurami

Banyaklahnyo malang yo dik oi, pulah karo malang..

Idak lah mulebih yo kami, nan malang lah di kami..2x

Batanglah jalutung yo mak oi, kayu lah di rimbo

Dilah buek urang yo mak oi, kayu lah butanak

Kalu lah diperuntung yo mak oi, bulah jadi kito..

Idak lah piruntung yo mak oi, balik lah dunsanak..2x

Musik...

Talang lahnyo kau yo dik oi, talang lah nan data

Talang lanyo kami yo nurun, mundaki lah manurun

Malang lah di kau yo dik oi, malang lah subenta..

Malang lah di kami, yo taun yo bulah ganti taun..2x

Sayanglah munyukam yo mak oi, lahdi lah di ayik dereh

Gugu lahnyo daun lah mudo, lah jaluanglahnyo mudo

Kami lah sekam yo mak oi, manumpang lah nyo bereh

Lambat launyo laun yo mak oi, tabuang lahnyo jugo..2x

Musik...

Pecahlanyo gendang yo dik oi, serempaknyo tigo

Idaklahnyo dapek yo sayang, bureleknyo gedang

Susah lahnyo senang yo dik oi, sudah lah ku cubo..

Hendak lah membuat yo dik, nak hidup ku senang..2x

Sayanglah kutalang yo mak oi, pegi lah mungeset

Batanglah dikeset yo mak oi, batanglah singkawang

Kamilah sipantung yo mak oi, buleranglah yo kuset..

Apilahnyo padam yo mak oi, puntung lah tabuang..2x

Baca Lirik

Lirik Lagu Jambi Munentang Untung Duet

Lirik Munentang Untung Duet

Vocal Batino

Kalu nak mandi, hendak burenang

Jangan nak mandi, tepiannyo ujo..2x

Kalu nak cari, buhati senang

Jangan nak jadi bang, kami sengsaro..2x

Vocal Jantan

Idak ku milih, kain burendo

Asal bukain, ikatlah di pinggang..2x

Idak ku milih, musekin Kayo

Asallah adik, yo adik buhati senang...2x

Vocal Batino

Buah cempedak, jatuh ke laman

Hendak ku bawo, ke ujungnyo tanjung..2x

Sudah ku kimak, ditapak tangan

Idak kan ado yo bang, munentang untung..2x

Vocal Jantan

Hidupnyo api, panggangnyo kayu

Masaknyo undang kenolan nyo jalo..2x

Hidupnyo mati, ditangan kau

Maitnyo bangkai dek oi, la sampai jugo..2x

Baca Lirik

Lirik Lagu Jambi idak Ba induk

Lirik Idak Ba Induk Cipta/Vocal Pak Ngah Bungo

Ba sayak ado ba senduk idak

Timbul tenggelam batangnyo capo..2x

Ba bapak ado ba induk idak

Makan bakuah si ayik mato..2x

Bilo ku ingat bulan puaso

Makan basamo buah beluluk..2x

Pahit manih ku telan jugo

Macam tu raso idak ba induk..2x

Musik...

Gulainyo cangkuk kuah kepayang

Makan basamo di tengah umo..2x

Selagi hidup bukasih sayang

Kalu lah pegi sesal nan tibo..2x

Ku ambik surat kitab juz amma

Ku sarung kain pergi mengaji..2x

Kami hanyo biso bado'a

Satukan kami akhirat nanti..2x

Baca Lirik

Lirik Lagu Jambi Malang Bansek

Malang Bansek Cipta/Vocal Hermizi

Ketalang kami pegi mugesek

Mungesek kami si tunggul bulin..2x

Malang kami, malangnyo bansekkkk

Banseknyo kmai hidup musekin...2x

Pucuk satepung batang nyo gedang

Batang senyanit babgungo lagi..2x

Duduk bamenung badan ku suranggg

Mungenang nasib dak nyamo kanti..2x

Musik...

Urang banyak hendak munubo

Ikannyo sepat keno pukat..2x

Urang batempat pado nan adooo...

Badan batempat pado nan idak..2x

Siangnyo hari ke tanung jati

Munebang kayu batang kamiyan..2x

Malang dikanti mungitung hariii...

Malang di aku entahnyo nian...2x

Baca Lirik

Lirik Lagu Jambi Jauh di Rantau Vocal Radinal

Jauh Dirantau Cipta Radinal

Payah menyusun ataplah nyo lalang

Hendaklah dibawo lah ke pondok pulau

Payah di dusun lah segalo kurang..

Mako ku bawo jauh lah kerantau..2x

Oi… nakan, kain lah nyo putih baru dibeli

Kain lahnyo belum lah diserung jugo

Jangan busedih lah ba ibo hati

Mungkin lah nyo peruntung ado

Musik...

Oi… mamak, payah lah nian dibutanak banyak

Lah sekali belum lah bunasi basi

Payah lah nian anak mamak banyak..

Badan ku batunak lah ka dusun kanti..2x

Jangan di timbo ayik lah dilekuk

Banyak lah nyo ikan anak lah pitulu

Jangan lah nakan lah nak merjauk

Kehendak tuhan siapo tahu

Baca Lirik

Lirik Lagu Jambi Serampang Laut - Duet

Serampang Laut Lagu Pantun Lamo

Vocal Jantan

Geseklah piul sirampang laut..

Diiring joget budayo lamo..2x

Hati ba kendak, nyebut, payah nak nyebut la sayang..

Dapek ditahan jugo, ngan tahan jugo..2x

Vocal Batino

Kalu bunyanyi mirupo demam

Kalunyo demam mano pucatnyo

Hatilah rindu, pendam, jangan di pedam la sayang..

Kalu dipendam, sakit nian lah sakitnyo..2x

Jeda Musik…

Vocal Jantan

Ngan/aku/abang lah keno nan sampu gadih

Itu punyakit nan Ngan/aku/abang idap kini

Nyampang ka ilang, kain jangan nak mengih la sayang..

Itu pengubat sampu, kato dukun kini..2x

Vocal Batino

Kau bucakap nak padek bae..

Sanggup meruntuh gunung nan tinggi..2x

Ilang lah kain, bae, biaso bae lah sayang..

Asalkan jangan ilang, si jantung hati..2x

Baca Lirik

Lirik Lagu Jambi Adat Pusako Usang

Adat Pusako Usang Cipta Khatar SM

Musik...

Bacarito pado nan tuo

Bapalabe pado nan banyak

Adat budayo pusako lamo...

Tulung di jago oi ninek mamak...2x

Tali lah undang tambang teliti

Sepucuk jambi sembilan lurah

Iluk disampai kepado kanti...

Adat pusako jangan di ubah...2x

Reff:

Oi… Mamak, bu nakan-nakan

Oi… Nakan, bu kanti-kanti

Adat budayo pusako usang

Idak lah lapuk, idak lah lekang

Oi… Induk, bu anak gadih

Oi… Bapak, bu anak bujang

Adat budayo pusako usang

Dari ninek mamak, puyang delapan

Murantih rebah dama baserak

Dama dibuek nan lampu suluh

Falsafah adat busandi syarak...

Syarak busandi nan kitabullah...2x

Pegi ka ayik, ikannyo jinak

Rumputnyo hijau kebau pun besak

Itulah tando adat ta jago...

Kampungnyo aman, negerinyo jayo...2x

Kembali ke Reff

Baca Lirik

Lirik Lagu Jambi Emas Dapat Kalam Taserak

Emas Dapat Kalam Taserak Vocal Dewi Sartika

Pandan di ikat ditegah umo

Kaminyo balik hari lah senjo..2x

Badan ibarat si pad ampo

Tibo dibilik tabuang jugo..2x

Batang jeluang tumbuh sebatang

Mati dipijak dibuek budak..2x

Ibarat urang pegi manembang

Emaslah dapat kalam taserak..2x

Musik...

Kami bupelak dikaki bukit

Buahnyo petai batangnyo gedang..2x

Kalulah idak hidup busakit

Idak ka sampai badan tabuang..2x

Batangnyo gedang baduri-duri

Patah dipijak urang ketalang..2x

Banyak nan kurang di badan kami

Makolah idak dipandang urang..2x

Baca Lirik

Lirik Lagu Jambi Burung Kuwau

Kuwau Vocal Cik Dan

Kuwau.... kuwau...

Burung pipit kuwau, diranting dilapuk kuwau

Mugadan padi kuwau.. ditengah talang

Kuwau.... kuwau...

Malang nasib kuwau, si anak induk kuwau

Disisih kanti kuwau.. tinggal di talang

Kami ba umo di lerang bukit

Tumbuhnyo serai, ba daun mudo

Duduk bu ibo, mungenang nasib

Nasib buderai si ayik mato

Musik...

Kuwau.... kuwau...

Lenggang lah biduk kuwau, hendak muraih kuwau

Dipagi hari kuwau.. hendak mulayang

Kuwau.... kuwau...

Urang sibuk kuwau, dio badune kuwau

Awak bukanti kuwau.. padi ditalang

Putuslah rotan, pungampai kain

Punyirat tanggo, idak butali

Lainlah nian, hidup musekin

Idak manurut, nan duneh kanti

Musik..

Kuwau.... kuwau...

Angin muribut kuwau, sebena-bena kuwau

Atap tacampak kuwau.. di dalam padi

Kuwau.... kuwau...

Tiap mawujud kuwau, patah ditengah kuwau

Menjadi sesal kuwau.. ratap yo tangih

Ambik lah biduk, dari seberang

Kami lah hendak, yo ke muaro

Anak lah induk, dituntun malang

Hendak disesal pado siapo

Baca Lirik

Lirik Lagu Jambi Nasib Badan Duet

Nasib Badan Duet Ponakan dan Mamak

Vocal Punakan

Kayunyo aro tinggi, kini ba bungo idak

Kayu kandundung, ado lah di ile

Aku batanyo kini, kepado kamu mamak

Kamu ba menung, apo nan di pike

Vocal Mamak

Hendak ku sarung baju, iyo si lengan panjang

Ku bawok untuk, duduk lah mungaji

Mamak ba menung nakan, mengenang nasib badan

Mengapo hidup, dak nyamo kanti

Musik...

Vocal Punakan

Payahlah mundaki, ku ampat nyo gedang

Kainnyo basah, sarung lah dibadan

Tabahkan lah hati, kuatkan nyo iman

Mungkinlah sudah, piruntung badan

Vocal Mamak

Urang Rantau Panjang, pegi lah ke talang

Dapatlah padi, setapan malang

Macam ko nian, nasiblah nyo malang

Dapatnyo pagi, habisnyo petang

Musik...

Vocal Punakan

Pinggalah nyo pecah, makan lah dak jadi

Patah salero, malang jadinyo

Jangan munyalah mamak, kini si badan diri

Serahkan sajo, ke Tuhan kuaso

Vocal Mamak

Tiuplah nyo api, di tengahnyo malam

Urang batigo di tepi laut

Lautlah nyo kini, sudahlah ku selam

Ikanlah rayo butali rambut

Baca Lirik

Lirik Lagu Jambi Samo-Samo Rindu

Samo-Samo Rindu Vocal Yunis Maila

Dikiri jalan, dikanan jalan

Tengah-tengahlah batang mangkudu

Bakirim jangan, bapesan jangan bang/dik sayang

Samolah samo mananggung rindu..2x

Kain takuluk selai kolah

Jangan dibuek besahan mandi

Lagi dunio, lagi barubah bang/dik sayang

Kunun tu pulo si ummat Nabi..2x

Musik…

Kalulah idak mandi ka tanjung

Mandi ka ulak nan batu patah

Idak jadi kito sabandung bang/dik sayang

Janjilah rajuk dendam dak sudah..2x

Sudah kucubo nanam talasih

Bungo cempako kembangnyo rayo

Sudah ku cubo bamain kasih bang/dik sayang

Apolah dayo untung dak ado..2x

Musik…

Sejak masumai jembatan layang

Kito basuo nan duduk gelak

Sejak punai digetah urang bang/dik sayang

Basuo ado bajumpo idak..2x

Batu permato jatuh ke rumput

Tibo dirumput di timpo lalang

Kalu dimato bulih lah luput bang/dik sayang

Namun di hati sayang dak hilang..2x

Baca Lirik

Lirik Lagu Jambi Nasib Badan

Nasib Badan Cipta/Vocal Hendra

Makan pagi gulainyo baung

Turun bukit harinyo petaaang...

Turunnyo bukit hari lahnyo petang

Di tengah hari, duduk bamenung

Mungenang nasib dek, ditanggung badan..2x

Pasang lukah di ulak lubuk

Ulanknyo bambu mumasang pukat

Ulanknyo bambu mumasangnyo pukat

Idak munyalah, bapak dan induk

Salah di aku dek, nan salah sukat..2x

Musik...

Galeh ambung bawaknyo balik

Bajunyo putih di dalam kaaa...in

Bajunyo putih didalamnyo kaaa...in

Di dalam kampung, idak buradik

Nunggun nyo kasih dek, si urang lain...2x

Ku bujalan mumbawak anak

Harilah siang hujannyo pagi...iii

Harinyo siang hujan lahnyo pagi

Aku bupesan pado dunsanak

Akulah hilang dek, jangan di cari...2x

Baca Lirik