Lirik Lagu Jambi Budi Baik Mambao Sansai

Budi Baik Cipta Hijrul Vocal Alamsyah

Rall:

Bu...di baik, budi baik...mambao sansai

Musik..

Ambik gading, ambik belalai

Gajah mati di bukit rampai

Hancur daging, tulang bacerai..

Budi baik mambao sansai..2x

Budi baik, budi baik, mambao sansai

Anak cino manjual bawang

Idak laku bawok kembali

Aku hino sudah tabuang..

Ibarat tanggo bawah sekali..2x

Budi baik, budi baik, mambao sansai

Musik...

Biduk kecik pangayuh kapak

Pisau sabilah di dalam padi

Aku kecik ditinggal bapak..

Ngadang karilah nan bapak kanti..2x

Budi baik, budi baik, mambao sansai

Burung balam terbang ka semak

Tibo disemak mamakan padi

Sampai salam pado dunsanak...

Sampai hati mambuang kami…2x

Budi baik, budi baik, mambao sansai

Baca Lirik

Lirik Lagu Jambi Putus Benang

Judul Lagu Putus Benang Vocal Ulfa Safira

Lagi dulu berambut panjang

Kini burambut munginjak bahu

Lagi dulu bukato sayang...

Kini sarupo urang dak tau...2x

Tinggi tebing teluk panjang

Hendak mandi ketengah pulau

Duduk menyending munyambung benang...

Benang putus kareno pusau...2x

Musik....

Beringin di ateh teluk

Teluk ditunggu nago sakti

Hati ingin memandang biduk...

Biduk ditembat sereto kunci...2x

Dalam lubuk sungai ruan

Urang munyelam dari tepi

Macam pungguk marindu bulan...

Baitu nin badan ko kini...2x

Intro Musik...

Ulang dari awal lagi...

Baca Lirik

Lirik Lagu Jambi Patah Pandan

Judul Lagu Patah Pandan

Cipta : Radinal

Vocal : Kasmiyanti

Tingginyo tebing, teluk sekawang

Urang munyalo, nan dari mudik

Duduk munyanding yo surang, badan ku surang

Mengenang untung yo baik, nan idak baik

Hendak manubo, di lubuk gadang

Titian patah, batang nyo pandan

Idak ku cubo, yo senang, ba hidup senang

Kain nyo basah, yo pinggang, kering di pinggang

Musik...

Awan bagumpal, kilat basambung

Patah lah dahan, kayu di rimbo

Bukan ku sesal, yo untung, dengan piruntug

Sudah bagian yo dayo, apolah dayo

Tinggi nyo pandan, di sambar petir

Abih nyo patah, silang mu nyilang

Kini ko badan, yo takdir, mungadang takdir

Mintak barubah, yo malang, nasib nan malang

Ulang dari awal...

Baca Lirik

Lirik Lagu Jambi Merenung Nasib

Judul Lagu Merenung Nasib 

Vocal : Netat

Cipta : Emhan Bro

Pandan ditebang, di lah buek titin..

Untuk dipijak, urang lah kutalang..2x

Badan ku malang, hidup lah musekin..

Dikit lah idak nduk, dilah malu urang..2x

Batang cempedak, sudah lah ku tetak..

Rotan nyo bilah, lah punyerat tanggo...2x

Ba bapak idak, ba lah induk idak..

Makan ba kuah nduk, si lah ayik mato...2x

Musik...

Mungambik pandan, di lah bawah tanggo...

Hendak ku bawo, lalu lah ke umo...2x

Bangsatnyo badan, idak lah takito...

Entah kemano nduk, badan lah ku bawo...2x

Pegi ke ulu, mu lah ngambik rotan...

Jerembah putuih, lalu ke muaro...2x

Lapuk lah kau, kain lah dibadan...

Untuk pengapus nduk, si lah ayik mato...2x

Baca Lirik

Lirik Lagu Jambi Oi Moy - Oi Mai

Lirik Oi Moy - Oi Mai - Oi May

Musik..

Kami ba umo, munanam padi...

Abih lah padi, nanamlah semangko..2x

Dapek burito, kamu nak jadi..oi moy

Jatuh buderai, lah si ayik mato...2x

Kalu lah bulih, aku ka umo...

Bawo lah bilah, nan dengan paku...2x

Kalu lah bulih, aku butanyo...oi moy

Apolah salah, si badan aku...2x

Musik..

Ketalang baru, pegi butimpek...

Jalan ka talang, ditepi payo...2x

Panjang di kuku, bulih ku kehek...oi moy

Malang dibadan, apolah nak dayo...2x

Bughung muriput, terbang ke rimbo...

Tibo di rimbo, mumakan padi...2x

Kalu di tughut, di hati ibo...oi moy

Badan lah idak, kusayong agi...2x

Baca Lirik

Lirik Lagu Jambi Munsanak Jauh

Judul Lirik Munsanak Jauh

Cipta : Emhan Bro

Vocal : Yogi Saputra

Panjatnyo licin, batang cempedak..

Pengentai kain, kami nyo tegak..2x

Kami musekin, sagalo idak..

Dalam dusun, dibenci dunsanak..2x

Pegi ke kebun, kami munebeh..

Ambiknyo parang, untuk munebang..2x

Dalam dusun, dunio luweh..

Badan ibarat, dunia sabatang..2x

Musik...

Padang takalak, di bawah titin..

Jalanyo semak, si rumput buluh..2x

Pandai idak, hidup pun musekin..

Sebab dunsanak, batambah jauh..2x

Pungentai kain, sudah ku buang..

Mambuek tango, di ujung tanjung..2x

Kami musekin, bia tabuang..

Panyemak mato, di dalam kampung..2x

Baca Lirik

Lirik Lagu Jambi Biduk Tirih

Biduk Tirih Vocal Farida Cipta Wo In 

Bu rimbun, padi serumpun..

Banyaknyo umo yo umo, di batang kemang..2x

Baribu, kanti sa dusun..

Idaknyo samo yo samo, badan ku malang..2x

Dalam nyo, tapian napal..

Kalu ka lubuk ka lubuk, mandi ba timbo..2x

Nan kayo, sampan nyo kapal..

Awak ba biduk ba biduk, lah tirih pulo..2x

Musik..

Ka rimbo, mumancung rotan..

Anaknyo pungguk yo pungguk, mati ta timpo..2x

Malangnyo, untung di badan..

Dimano duduk yo duduk, hati ku ibo..2x

Ba bungo, tebu sa pucuk..

Batangnyo paku yo paku, tumbuh di laman..2x

Ba limo, kami sa induk..

Malang di aku yo aku, balebih nian..2x

Baca Lirik

Lirik Lagu Jambi Malang Bacinto

Malang Bacinto Cipt/Vocal Yogi Saputra

Lapik upih pumentai padi

Buah cempedak di tepi payo

Kito buleh samo bujanji..

Tuhan bukehendak, apolah dayo..2x

Batang balam tumbuh ditanjung

Batang parah tumbuhnyo jugo

Tiap malam duduk bumenung..

Mengenang kisah kito baduo..2x

Yola..yola, yola..yola, yola..yola, adik sayang

Yola..yola, yola..yola, yola..yolah, oi adik cinto

Musik...

Kapelak munanam serai

Bawo papan tu dengan kayu

Kendak dihati segan bucerai..

Kuaso Tuhan siapo nan tau..2x

Batang manggih munjelang tinggi

Buahnyo ngado nan mudo-mudo

Jangan busedih ba ibo hati..

Iko lah takdir kito baduo..2x

Yola..yola, yola..yola, yola..yola, adik sayang

Yola..yola, yola..yola, yola..yolah, oi adik cinto

Baca Lirik

Lirik Lagu Jambi Nasib Daun Pisang

Nasib Daun Pisang Cipta/Vocal Wo In

Musik...

Matinyo ruso di tanah tumbuh..

Mati di timpo si daun pelam..2x

Kami umpamonyo puntung suluh..

Untuk punerang dihari kelam..

Kalu lah sudah palito padam..

Dibuang urang, kau ko badan..2x

Musik..

Batang kadundung dimuko laman..

Hendak ditebang babungo kembang..2x

Badan di sanjung katiko senang..

Banyak lah urang bukato sayang..

Idak batuah badan dibuang..

Budi nan baek idak dikenang..2x

Musik..

Kenaknyo cicin, gelang di tangan..

Sereto jugo, selendang panjang..2x

Awak musekin, dagang manumpang..

Hino taraso kau ko badan..

Umpamo sampah ditengah laman..

Idaknyo ado diguno urang...2x

Musik..

Umpamo badan si daun pisang..

Untuk paneduh katiko hujan..2x

Hujanlah teduh paneh pun datang..

Lah abih guno, badan di buang..

Kadang tapijak idak dipandang..

Macam ko nasib si daun pidang..2x

Baca Lirik

Lirik Lagu Jambi Kelapo Cundung

Judul Lirik Kalapo Cundung

Vocal : Alamsyah Cover

Cipta : Radinal

Musik...

Pegi kedarat, mumakai tudung lah yo dik

Batangnyo pisang, di dalam padi lah sayang

Aku ibarat, kelapo cudung..

Batang di awak, buah di kanti..2x

Gedang batang kelapo cundung lah yo dik

Ado sibuah, munjadi mumbang lah sayang

Aponyo malang, nasib ku tanggug..

Surang lah aku, piruntung malang..2x

Musik...

Urangnyo candi, munanam sirih lah yo dik

Sejak ba umo, dusun empelu lah sayang

Uranglah benci kusangko kasih..

Hati ku ibo, siapo nan tau..2x

Tarok kapak, tu dengan linggis

Banyak nyo semak, batang dipancung lah sayang

Antaro gelak tu dengan tangih..

Mungimak kanti duduk subandung..2x

Baca Lirik

Lirik Lagu Jambi Burung Tiung

Judul Lagu Burung Tiung

Vocal : Kulup Subhi

Cipta : Zakaria AD

Burung lah tiung, butali rumbai..

Ngapo lah rumbai, bulaganti suto..2x

Ku sangko ngejok, tunggang lah di kasungai yo dek..

Kunjung lah tungang, di puralaut jugo..2x

Ayam lah putih, ba bulu lunak..

Bagih batali, di tengah laman..2x

Sedih di awak, haram lah dipujinak yo dek..

Tibo dikanti, makan lah ditangan..2x

Musik…

Titin seberang, jalan pelangki..

Kayak lah mandi, di tepian batang..2x

Mungkin dek kurang lah dibadan lh kami yo dek..

Sehinggo kami sampai yo lah di buang..2x

Capo di umo, rumput nyo jarang..

Apolah idak mulah nanam padi..2x

Ngapo lah dulu kito bukasih sayang yo dek..

Kalu lah idak sampai yo lah nak jadi..2x

Baca Lirik

Lirik Lagu Jambi Putus Pungarang

Judul Putus Pungarang

Cipta : Radinal

Vocal : Dede Irawan

Musik…

Patah lah sudah, kayu di lubuk..

Hujan nan lebat, angin nyo kencang..2x

Sejak.. bapisah ayah ku dengan induk

Ibarat.. rumah, kini lah patah garang

Eloknyo cincin, ba mato duo..

Belahnyo rotan, gagang balingkok tigo..2x

Hidup.. musekin induk murando pulo

Putus.. harapan, ilang nyo cito-cito

Musik..

Sayang burakit, di sungai duo..

Payah mulayang, rakit kami buralih..2x

Malang.. nasib, kini yo nan manimpo

Ayah.. kusayang, kini ba pindah kasih

Jangan ba umo, di ateh telun..

Tampak lah bukit, kayu-kayu nyo gedang..2x

Badan.. umpamo serai hilang nyo rumpun

Kini.. ibarat, rakit  putus pengarang

Baca Lirik

Lirik Lagu Jambi Rakit Buluh - Burakit Buluh

Burakit Buluh Vocal Yenni Safitri

Kalu berakit-berakit buluh..2x

Teluk dan rantau yang ku lalui..2x

Bialah badan, tabuang jauh..2x

Gulo ku raso, dak manih lagi..2x

Kasih lah induk, tiado batepi..2x

Kasih lah bapak, sepanjang jalan..2x

Patah pengayuh, ganti kamudi..2x

Rajuk lah hati, murano badan..2x

Musik…

Engan beranyut, diayik tenang..2x

Dengan linangan nan ayik mato..2x

Antaro badan sebelum hilang..2x

Relo kan Engan segalo duso..2x

Induk lah bapak, rindu di Engan..2x

Cilek lah gamba, di dalam kaco..2x

Hati ngan ibo, keno gunjingan..2x

Dek silap lidah, silap ka mato..2x

Baca Lirik

Lirik Lagu Jambi Patah Garang

Patah Garang Vocal Sarah Ihsani

Pondoknyo buruk ayik, disebarang ayik..

Disitu tempatnyo kami, singgahlah nyo kami..2x

Nasib dak iluk badan, untunglah dak baik..

Baitu nasib kini, badan lah ku kini..2x

Ambiknyo cupak, pelak di dalam nyo pelak..

Hendak mulayang tuo, ke dusun nyo tuo..2x

Ba induk badan, bu bapaklah idak..

Hidup seorang kini dalam lah dunio..2x

Musik…

Ramainyo kukuk ulu, ayam lah di ulu..

Kaminyo hendak layang, balik mulayang..2x

Matinyo emak, dapur rubuh lahnyo dapur..

Matinyo bapak, garang patah lahnyo garang..2x

Bungo telasih padi, batang lahnyo padi..

Kerakap sirih laman, di tengah nyo laman..2x

Dimano kasih cari, sayanglah di cari..

Harap dikasih pameman, sanaklah pameman..2x

Baca Lirik

Lirik Lagu Jambi Kutantik

Lirik Lagu Kutantik lah Kutantik

Vocal : Novitasari

Cipta : Igun Astrada

Ku tantik lah ku tantik, ku tunggu lah ku tunggu

Dulu abang mintak timpo, tigo lah nyo minggu

Janji sudah nuai, sudah nuai dak jadi pulo

Lah pueh aku manantik, aku tatantik di urang dulu..2x

Reff:

Hancurlah nyo hati, apo nak dikato

Urang ngubah janji, sungguh ku dak nyangko

Karno lah nyo malu, kini urang lah tau galo

Ruponyo abang tacinto, abg hanyo bamain sajo

Malang nian badan, kemano aku nak ngadu

Kini aku tatipu, diri ini lah malu..2x 

Musik..

Ku tantik lah ku tantik, ku tunggu lah ku tunggu

Dulu abang mintak timpo, tigo lah nyo minggu

Janji sudah nuai, sudah nuai dak jadi pulo

Lah pueh aku manantik, aku tatantik di urang dulu..2x

Reff:

Hancurlah nyo hati, apo nak dikato

Urang ngubah janji, sungguh ku dak nyangko

Karno lah nyo malu, kini urang lah tau galo

Ruponyo abang tacinto, abg hanyo bamain sajo

Malang nian badan, kemano aku nak ngadu

Kini aku tatipu, diri ini lah malu..2x

Baca Lirik

Lirik Lagu Jambi Santen Balabuh

Santet Balabuh Cover Vocal Alamsyah

Pelepah kemumu di dalam semak

Batang keladi ku belah duo

Biarlah abang dimarah emak..

Asalkan jadi kito baduo..2x

Sapu tangan basudut empat

Tiap ba sudut barisi buku

Luko ditangan dapek di ubat..

Luko dihati siapo yang tau..2x

Jam satu setengah Satu

Jam duo setengah malam

Nasib kau sudah ditentu..

Nasib abang masih di jalan..2x

Anak batak pergi ke batak

Tibo di batak duduk mungaji

Nasi lah masak gulai lah masak..

Hakim tapanggil kito dak jadi..2x

Musik…

Orang kini banyak nan gilo

Gara-gara nan banyak utang

Orang kini mumilih kayo..

Awak musekin bia tabuang..2x

Kalu adik ke suko dadi

Pulau liantang adonyo tugu

Kalu idak jadi dengan kami

Saten balabuh ka tubuh kau

Pegi ketalang munanam cabe

Munanam cabe dipadang padi

Pantun kami ko bagerah bae

Jangan dimasuk ke dalam hati

Baca Lirik

Lirik Lagu Jambi Mati Bujang

Lirik Lagu Mati Bujang Vocal Afriani

Apo ka enak bang oi.. hai ubi keladi

Apo ka enak bang oi.. hai ubi keladi

Idak semanis bang oi.. si umbut baluluk

Hati ku jadi bang oi.. dek umbuk buluk

Apo katinggi bang oi.. si pucuk pisang

Tinggi lah jugo bang oi… asap nyo panduk

Lah bamimpi bang oi.. hidup nak batunak

Tunang ku pegi bang oi.. batando buruk

Reff:

Siang itu ku tau nian..

Dak ado hujan nak bakal datang

Idak dihati ku gaduh nian

Ku denga kaba abang mati bujang

Siang itu ku tau nian..

Guruh datang hari dak kelam

Ku tau abang lah mati bujang

Mano nak ngadu ku bukasih sayang 

Balik nyanyi daghi Apo katinggi..

Baca Lirik

Lirik Lagu Jambi Sayang Sabenta

Sayang Sabentar Cipta/Vocal Wo In

Pegi ketalang munebang pisang

Dapeknyo pisang setapan lamang

Macam ko badan segalo kurang..

Duduk dikampung raso manumpang..2x

Kalun nan ngimak berenai banyak

Kimak berenai di ulak makan

Sudah ku kimak budi munsanak..

Sayang sebenta segan tamakan..2x

Banyaknyo umo di mudik dusun

Tebu ku tanam di bawah batang

Dunsanak kayo tunggu lah dusun..

Aku nan malang bia tabuang..2x

Idak ba buah si batang nibung

Buah durian dimakan musang

Idak batuah badan di kampung..

Bia dirantau badan ko hilang..2x

Musik…

Ulang nyanyi dahi banyaknyo umo

Baca Lirik

Lirik Lagu Ditinggal Bapak Vocal Nurdi Abdullah

Ditinggal Bapak Cipta DaFen

Sejak bilo pegi kerimbo

Sejak gedang padi di talang

Sejak bilo hati ku ibo..

Sejak abang pegi menghilang..2x

Kaduduk cundung ditengah rimbo

Batang padi di ujung tanjung

Duduk ba menung di ateh tango

Mungenang nasib idak beruntung

Musik…

Pegi katalang, talangnyo semak

Tibo di talang harilah pagi

Sungguh malang kau ne anak..

Agi kecik bapak lah mati..2x

Dari Bangko ke Sungai Ulak

Kerantau panjang singgah Mensango

Ba induk ado bapak lah idak..

Kasih sanyang entah dimano..2x

Baca Lirik

Lirik Lagu Berendah Hati Vocl Nurdi Abd

Berendah Hati Cipta Adli Hutman

Tudung lah apo, tudung aku ini

Tudunglah nyo luyang, tudunglah nyo luyang

Lah timago pulo, kiun kasih kumari sayang

Tudunglah nyo luyang...

Lah timago pulo, kiun kasih kumari sayang

Untung lah apo, untung aku ini

Untunglah nyo malang, untunglah nyo malang

Lah cilako pulo, kiun kasih kumari sayang

Untunglah nyo malang…

Lah cilako pulo, kiun kasih kumari sayang

Intro Musik…

Diulak lah Bangko, karang lah Berahi

Muaro lah Belengo, Muaro lah Belengo

Mudik lah Pamenang, kiun kasih kumari sayang

Muaro lah Belengo …

Mudik lah Pamenang, kiun kasih kumari sayang

Ba induklah ado, bapak alah idak

Kasih dengan sayang, kasih dengan sayang

Entah lah dimano, kiun kasih kumari sayang

Kasih dengan sayang …

Entah lah dimano, kiun kasih kumari sayang

Intro Musik…

Rantau lah panjang, lah menanm padi

Lah di pulau Aro, lah di pulau Aro

Padi lah tabayak, kiun kasih kumari sayang

Lah di pulau Aro …

Padi lah tabayak, kiun kasih kumari sayang

Malang lah nian, nasib lahdi kami

Rendah lahnyo bangso, rendah lahnyo bangso

Lah segalo idak, kiun kasih kumari sayang

Rendah lahnyo bangso …

Lah segalo idak, kiun kasih kumari sayang

Baca Lirik