Lirik Lagu Jambi Nadung Sayang Vocal Duet

Judul Lagu : Nandung Sayang

Lirik/Arr : Syaipul

Vocal Duet : Robi dan Dewi

Genre : Pantun Klasik Melayu

Intro Cord : C-F-Bm-G

Vocal Jantan:

Pucuk puding, pucuklah puding
Jaluang abang, jaluanglah abang, Aduh dek sayang
Pucuk nio, pucuklah nio... kembanglah belarik..2x

Idak ku sedih, idak ku sedih...
Badan tabuang, badanlah tabuang, aduh dek sayang

Asal perunding, asal perunding... nak samo lah baik..2x

Vocal Batino:

Pandailah nian, pandailah nian
Abang ke Bangko, abanglah ke Bangko, Aduh bang sayang
Tibo di Bangko, tibo di Bangko... membeli lah cabe..2x

Pandailah nian, pandailah nian...

Abang bakato, Abanglah bakato, Aduh bang sayang..
Kato talabuh, kato talabuh, mangilak lah bae...2x

Vocal Jantan:

Siti Nuris, Siti lah nulis...

Anak bang johan, anaklah bang johan, aduh dek sayang

Kini bajudu, kini bajudu, bujanglah marzuki..2x

Sampai munangih, sampai munangih

Pungguk didahan, pungguklah didahan, aduh dek sayang

Merindu bulan, merindu bulan, dilangit nan tinggi...2x

Vocal Batino:

Bukanlah bumbung, bukanlah bumbung

Bae nan lubuk, bae lah nan lubuk, Aduh bang sayang

Lubuk lah lanai, lubuk landai, nan lubuk lah jugo...2x

Bukanlah racun, bukanlah racun...

Bae nan mabuk, bae lah nan mabuk, aduh bang sayang

Ngenang bacerai, ngenang bacerai, ku mabuklah jugo...2x

Baca Lirik

Lirik Lagu Jambi Awaklah Nak Saba

Judul Lagu: Awak lah Nak Saba

Vocal: Cik Dinda

Arr Lagu: Pak Ngah Bungo

Genre Musik: Pop Dangdut Melayu Jambi

Intro Musik..

Payahlah nian mencari lah sayak

Awak lah nak saba..2x

Sejaklah munjadi parahlahnyo mudo..2x

Payahlah nian bulaki lah pekak

Awak lah nak saba..2x

Tiaplahnyo hari, sakitlah kapalo

Disuruh ke surau, Nyo pegi ke pulau

Disuruh sembayang, Nyo pegi ke Talang

Musik...

Abanglah yasak masang lah katalak

Awak lah nak saba..2x

Diselonyo batang, ngadap lah ka ile..2x

Payahlah nian bulaki lah pekak

Awak lah nak saba..2x

Rasolahnyo kembang, urat lahnyo liye

Disuruh ka mudik, Nyo pegi ka ile

Awak mintak ayik, Dibagihnyo cangke

Musik...

Anaklah cigak makanlahnyo jagung

Awak lah nak saba..2x

Di dalamnyo pelak, dihari lah senjo..2x

Bukannyo pekak bae yang ditanggung

Awak lah nak saba..2x

Rupolahnyo pekak, palupo lah pulo

Kalu lah bacakap, awak lah malulung

Kalu lah bujanji, dak ditepatinyo

Baca Lirik

Lirik Lagu Jambi Muaro Talang Pantun Yo Dik Oi

Judul Lagu: Muaro Talang Yo Dik Oi

Vocal: Riyanto

Genre: Pantun Melayu Jambi

Bajulah putih yo dik oi kancing ditengah

Itu bunamo yo dik oi si lah anak baju..2x

Gedanglah kasih yo dik oi datanglah putengah, aduh dek sayang

Sampai kau lupo yo dik oi ka badan aku..2x

Lubuklah bungin yo dik oi  di muaro talang

Lubuklah pauh yo dik oi tempatlah ba umo..2x

Sedanglah bangsat yo dik oi duniolah ta kembang, aduh dek sayang

Sampai mangurai yo dik oi si ayik mato...2x

Musik....

Api-api ah api yo dik oi  terebang malam

Hinggap dipucuk yo dik oi silah jambu nipo..2x

Tujuhlah kali yo dik oi dunio lah karam, aduh dek sayang

Namunnyo kau yo dik oi idak lah ku lupo..2x

Lubuk badengkung yo dik oi muaro saluruh

Tampaklah dari yo dik oi pondok lah delapan..2x

Kalu ditampung yo dik oi si lah ayik mato, aduh dek sayang

Bisa munganyut yo dik oi nanlah biduk sampan..2x

Baca Lirik

Lirik Hujan Meretai Pantun Klasik Jambi

Hujan Meretai lagu Batang Asai Sarolangun Jambi

Dimulah ngilang tebu di renah
Tebu lah ngidak ba pucuk lagi..2x

Sejak lah nyo ngilang ayam lah pangumah

Tanggo lah ngidak baluluk lagi..2x

Pulah layar pulau kulapo

Tempat lah budak tari munari..2x

Hendaklah disesal pado lah siapo

Sudah lah nasib badan sendiri..2x

Musik...

Dimulah nanggok sungai sukiyang

Dapat lah uang nan pendek kaki..2x

Taulah nyo lubuk, lahsi kurang ikan

Jangan ditubo nan duo kali..2x

Batanglah jering cundung ke rimbo

Sudah dibelah dibagi empat...2x

Sudah lah nyo kering laut lah ku timbo

Badan lah payah, ikan dak dapat..2x

Baca Lirik

Lirik Lagu Jambi Ee Yo Dek Pantun Klasik

Judul Lagu : Ee Yo Dik 

Genre: Pantun Melayu Klasik

Sejak dimano padi lah ku ngampo

Sejak baumo dek dilubuk bulin..2x

Oi sejak dimano lah hati lah ku ibo.. ee kau yo dik

Sejak dikau dek mungalih ke urang lain

Dari oi ku ngajak lah mandi

Kau nak mandi dek ke pangka lah bulin..2x

Oi dari lah dulu ku ngajak kau jadi.. ee kau yo dik

Kau buganti dek ke orang lahnyo lain

Bulah biduk lah nan lalu nyo kumo

Luan munuju kurantan nyo duku..2x

Idak ku telok bucerai lah nyo lamo..ee kau yo dik

Bayangnyo bayang ku sangko lahnyo kau

Mudik batimpek ngile lahnyo bamubil

Hendak munempuh jerambahnyo papan..2x

Idaknyo dapek, bungolah satingkil..ee kau yo dik

Bialah lah kumbang dek, mati lah murgan

Bujang bunamo lah si bujangnyo hasan

Hendak ketalang mungambiknyo kayu..2x

Lain lah nian kendaklahnyo badan..ee kau yo dik

Hedaklahnyo mati dek, dipangkuan kau

Patahnyo galah lah ditengahnyo laman

Bulah biduk, lah di dalamnyo payo..2x

Kalunyo kau idak lah pucayo..ee kau yo dik

Payuh basampah lah bujawat tangan

Baca Lirik

Lirik Lagu Bagumbak Rujuk Erawati

Bagumbak Rujuk Vocal Erawati

Katakuk burung bagumbak

Muribo-ribo dikayu lapuk

Pado tajebo nan bateh kiak..

Iluk nan kito bubalik rujuk..2x

Beribu-ribu benang di laci

Mungapo unak butali rotan

Buribu-ribu sayang di hati..

Mengapo telak abang jatuhkan..2x

Musik...

Panjang unak nan utan udang

Panjang bujilo sampai seberang

Mungulang anak mukesud abang..

Mungulang jando nan kato urang..2x

Kiro unuk si rotan paku

Idak butali nan rotan sikai

Sekiro telak ditangan aku..

Sampailah mati idak bacerai..2x

Musik...

Kiro banyak kabau dipelak

Idak mumupuh kuliling mudo

Pabilo anak mungibau bapak..

Hati ku mabuk separo gilo..2x

Sungai mancur ayik nyo tenang

Sungguhpun tenang dereh ka tepi

Hati ku hancur pike dak tenang..

Tido sekejap munjadi mimpi..2x

Baca Lirik

Lirik Lagu Jambi Pantun Pepatah

Pantun Pepatah Vocal Idham Kholik

Duo lah tigo si anak itik

Mati diserang si burung elang..2x

Kalu dak tahan nan keno tagih, hai kawan nco

Jangan lah tegak ditepi jalan..2x

Gunung tapanggang munampak asap

Siti Rukemah mumadam lah api..2x

Api lah padam puntung berasap, hai kawan nco

Umah lah sudah, pahat babunyi...2x

Musik...

Gedang lah jangan main dilaman

Cubo berusik kerantau lah kanti..2x

Gedang lah jangan mambuang lemak, hai kawan nco

Cediklah jangan malah buang kanti..2x

Apo lah kaba bang zulkarnain

Tinggalnyo kini di kota lah jambi..2x

Badan lah tuo, gadih ba musim, hai kawan nco

Tuo lah ka idak, ka mudo lagi..2x

Musik...

Hidup lah kini harus bersyukur

Supayo mudah dapat lah direzeki..2x

Pantang lah kutu rambut di cukur, hai kawan nco

Pantang manusio, dicaci maki..2x

Lanjutkan bae nambah pantun yo nco..

Baca Lirik

Lirik Lagu Jambi Sayang Dak Sudah Vocal Nukman

Judul Lagu : Sayang Dak Sudah 

Vocal Duet : Nukman dan Nuraini

Genre : Pop-Dut Melayu Jambi

Vocal Jantan:

Banyak lah talang pukaro talang

Talang lah kami ditepi lah renah..2x

Banyaklah urang bikato sayang

Tibo dikami yo dik oi,  sayang dak sudah..2x

Vocal Batino:

Idaklah payah pegi ketalang

Talanglah kami di sungai lah bungo..2x

Idak lah payah bukato sayang

Sayang di kau yo bang oi, dilah mulut sajo..2x

Musik...

Vocal Jantan:

Sungguhnyo dedeh ke Rantau Pandan

Rantau lah duku ngan tau lah belum..2x

Sungguhnyo pueh lah ngan katokan

Kau lah idak yo dik oi, pucayo belum..2x

Vocal Batino:

Kalu nak tau di Ratau Duku

Ditepi jalan ke Muaro lah buat..2x

Keno dek banyak gadih katuju

Dibadan kami yo bang oi, kau dak ingat..2x

Musik...

Vocal Jantan:

Ba ari-ari ngan mengerai

Dapek lah emeh sakundi lah kurang..2x

Cinto dikami napal di sungai

Dikupeh ayik yo dik oi, idak kan hilang..2x

Vocal Batino:

Duduk dinapal ancing saluwang

Dapek lah sikuk anaklah salimang..2x

Panjang lah akal ikan saluwang

Sanggup mangusut yo bang oi, nan lah pukat urang..2x

Baca Lirik

Lirik Lagu Jambi Disambar Elang Vocal Erawati

Judul Lagu : Disambar Elang 

Cipta : Zakaria

Vocal : Erawati

Genre : Pop-Dut Melayu Jambi

Intro Musik..

Iyo lah panjang nan kau pandan..

Tibo dilaman diterbang urang..2x

Iyo lah malang nan kau badan..

Ayam ditangan disambar elang..2x

Tanjung lah putuih tebing seberang..

Tempek lah urang nan kayik mandi..2x

Tali lah putuih burung terebang..

Tinggal kami munggigit jari..2x

Musik...

Payah lah nian padi disawah..

Padi nak sedang lah rebah mudo..2x

Payah lah nian mencari tuah..

Nasib nak malang nan malang jugo..2x

Pipit terebang ke dalam rimbo..

Makalah pucuk batang mengkudu..2x

Nasib lah malang nak malang jugo..

Intan dipeluk munjadi batu..2x

Baca Lirik

Lirik Lagu Jando Marajuk Vocl. Alamsyah

Jando Merajuk Ramuna

Banyaklah nyo talang yo dik oi, pulah karo talang

Idak lah mulebih jurami, nan talang lah jurami

Banyaklahnyo malang yo dik oi, pulah karo malang..

Idak lah mulebih yo kami, nan malang lah di kami..2x

Batanglah jalutung yo mak oi, kayu lah di rimbo

Dilah buek urang yo mak oi, kayu lah butanak

Kalu lah diperuntung yo mak oi, bulah jadi kito..

Idak lah piruntung yo mak oi, balik lah dunsanak..2x

Musik...

Talang lahnyo kau yo dik oi, talang lah nan data

Talang lanyo kami yo nurun, mundaki lah manurun

Malang lah di kau yo dik oi, malang lah subenta..

Malang lah di kami, yo taun yo bulah ganti taun..2x

Sayanglah munyukam yo mak oi, lahdi lah di ayik dereh

Gugu lahnyo daun lah mudo, lah jaluanglahnyo mudo

Kami lah sekam yo mak oi, manumpang lah nyo bereh

Lambat launyo laun yo mak oi, tabuang lahnyo jugo..2x

Musik...

Pecahlanyo gendang yo dik oi, serempaknyo tigo

Idaklahnyo dapek yo sayang, bureleknyo gedang

Susah lahnyo senang yo dik oi, sudah lah ku cubo..

Hendak lah membuat yo dik, nak hidup ku senang..2x

Sayanglah kutalang yo mak oi, pegi lah mungeset

Batanglah dikeset yo mak oi, batanglah singkawang

Kamilah sipantung yo mak oi, buleranglah yo kuset..

Apilahnyo padam yo mak oi, puntung lah tabuang..2x

Baca Lirik

Lirik Lagu Jambi Serampang Laut Original Vocal Duet

Judul Lagu : Serampang Laut Original

Genre: Pantun Melayu Lamo

Vocal Jantan

Geseklah piul sirampang laut..

Diiring joget budayo lamo..2x

Hati ba kendak, nyebut, payah nak nyebut la sayang..

Dapek ditahan jugo, ngan tahan jugo..2x

Vocal Batino

Kalu bunyanyi mirupo demam

Kalunyo demam mano pucatnyo

Hatilah rindu, pendam, jangan di pedam la sayang..

Kalu dipendam, sakit nian lah sakitnyo..2x

Jeda Musik…

Vocal Jantan

Ngan/aku/abang lah keno nan sampu gadih

Itu punyakit nan Ngan/aku/abang idap kini

Nyampang ka ilang, kain jangan nak mengih la sayang..

Itu pengubat sampu, kato dukun kini..2x

Vocal Batino

Kau bucakap nak padek bae..

Sanggup meruntuh gunung nan tinggi..2x

Ilang lah kain, bae, biaso bae lah sayang..

Asalkan jangan ilang, si jantung hati..2x

Baca Lirik

Lirik Lagu Jambi Petuah Lamo Vocal Ramzi

Judul Lagu : Petuah Lamo

Cipta : Yahya 

Vocal : Ramzi

Genre : Musik Melayu Asli Jambi

Intro Musik...

Rimbun nian si rumpun pandan

Pandan beduri, bebelah tigo

Biak pun tuah, ado dibadan

Budi pekerti gunokan jugo

Bekelok sungai batanghari

Ayek nyo resih bebayang bayang

Elok lah elok membawo diri

Tuo dikasih, mudo disayang

Reff:

Bejalan biak menepi

Supayo idak tapijak kanti

Becakap peliharo lidah

Supayo kanti idak meludah

Itu petuah rang tuo tuo

Adat lembago budayo lamo

Apolah guno munepuk dado

Runduknyo padi padat isinyo

Baca Lirik

Lirik Lagu Jambi Pantun Basambut

Pantun Basambut Vocal Efendi/Erawati

Jalan-bujalan kerejam gento
Tempak pumandang rumah bupati oi sayang
Ditengah malam hati ku ibo..
Badan dibuang sanak family..2x

Pagilah pagi bujalan kaki
Ke sungai misang tempek mungaji oi sayang
Samapilah hati nan matohari..
Bulan dak dapek businar lagi..2x

Musik…
Dulu bupati kabupaten sarko
Kini bupati kabupaten Merangin oi sayang
Ibo lah hati burung di rimbo…
Buahlah abih di guncang angin..2x

Naik ka bukit nan ngejam gento
Tempek wisata nan mudo-mudo oi sayang
Kecik busakait gedang tasikso…
Hendak dikesal pado siapo..2x

Musik…
Tempek wisata nan mudo-mudo
Ke sungai misang bujalan kaki io sayang
Hendak dikesal pado siapo..
Hidup ku hino nan dari kanti..2x

Anak sabubut ateh kalapo
Burung lah nuri di ujung tanjung oi sayang
Lamolah hidup banyak tasuo…
Lambek lah mati badan munanggung..2x

Baca Lirik

Lirik Lagu Jambi Burakit Buluh Vocal Ardy Arka

Judul Lagu : Burakit Buluh 

Penyanyi : Ardy Arka

Genre : Remix Melayu Jambi

Payah burakit, berakit buluh..

Teluk dan rantau yang ku lalui..2x

Bialah badan, tabuang jauh..

Rajuk kan hendak, sebelum pergi..2x

Payah burakit, budinding kipang..

Ayik gemuruh, di bawah tanggo..2x

Payah busakit, dagang manumpang..

Ayiklah keruh, aku minum jugo..2x

Musik...

Kami nak balik, jurami tinggal..

Sesap munjadi, padang ketutung..2x

Kami nak balik, adekpun tinggal..

Apo penyebab, hati ku rindu.2x

Ambiklah rotan, di dalam rimbo..

Pungikat tali pungempai kain..2x

Kalu lah hilang jauh dimato..

Asalkan takenang, di dalam hati..2x

Musik...

Kamilah jangan, di bagih baju

Baju nan lamo, belum tasarung..2x

Kami lah jangan, di bagih malu

Malu nan ado, belum ta tagung..2x

Lamolah nian, idak ke rimbo

Raso barubah, jalan ka talang..2x

Lamo lah nian, idak basuo

Jangan di ubah, nan kasih sayang..2x

Baca Lirik

Lirik Lagu jambi Ketalang Petang

Ketalang Petang Vocal Cover Alamsyah

Pisangnyo lidi idak bajunjung

Patah menimpo batang langkueh

Buperang hati ku degan jantung oi dik

Mato mamandang nan idak pueh..2x

Iluk ba biduk, pado burenang

Kalu ka ile, sampai ka teluk

Iluk-iluk kau mumandang oi dik

Jangan bapike lah nan sedang mabuk..2x

Musik…

Kami biaso mandi kalubuk

Idak merubah tapian mandi

Hati siapo nan idak mabuk oi dik

Nampaklah buah nan bagantung tinggi..2x

Munanak lemang nan dari pagi

Lemang nyo masak dalam sehari

Jangan tagamang di buah tinggi oi dik

Tagantung nian di dalam hati..2x

Baca Lirik

Lirik Lagu Cik Minah - Dagang Manumpang

Lirik Dagang Manumpang

Cik Minah tekuluk putih

Pegi merancak darat pelayang...2x

Tanjung putus pulaulah beralih sayang dek oi

Dusun merindang berajo hilang..2x

Ikan sepat ikan tenggiri

Anaklah udang dibawah daun..2x

Idak dapat rambut yang keriting sayang dek oi

Biak mambujang sepuluh tahun..2x

Bahumo danau ketapang

Tanamlah padi sakiding duo..2x

Sakit nian daganglah manumpang sayang dek oi

Ayiklah keruh dimunum jugo..2x

Musik...

Ulang nyanyi dari awal

Baca Lirik

Lirik Lagu Erawati Ibo Hati

Ibo Hati Cipta Efendi Erawati

Kota lah Tebo, bulah tango batu

Orang nak mandi, ke lah Batang Hari
Sepantun Bungo, sudah lah layu..oi adik..
Dipandang hino, diri lah ku kini..2x

Kalu ketalang, elok lah ka ulu

Kayek lah buleh, mudah lah ba ikan

Kalu dipandang, si buruk aku..oi adik..

Di liyek buleh, lah diludah jangan..2x

Musik...

Anaknyo cino, bu lah baju licin

Idanyo lupo, pakailah selendang

Awak lah hino, hidup musekin..oi adik..

Mano dibao, lah dibuang urang..2x

Si tajo, bungo lah si taji

Yang ketigo, bungo lah nak lalang

Sudah ku bujuk, si badan diri..oi adik..

Hati nan ibo, lah mambaok hilang..2x

Baca Lirik

Lirik Lagu Sakit Dimadu Vocal Erawati

Sakit Dimadu Cipta Efendi Tn

Pegi ke bangko.. dihari malam

Jangan lah lupo.. membeli baju

Pedih lah luko, diserak garam...

Pedihlah jugo oi abang, hidup dimadu..2x

Ado sapucuk.. bayam na mudo

Di dalam lupak.. pandan nak layu

Dimano duduk bumasam muko...

Dimano tegak oi abang, raso nan malu..2x

Musik...

Apo pembelah.. nan rotan paku

Dibuek urang.. pungempai kain

Apo nan salah nan badan aku..

Sehinggo abang, oi abang cari yang lain..2x

Iluk dibeleah... nan kau kayu

Kayu nan lurus.. dimakan api

Iluk bupisah pado dimadu

Pado ku kurus oi abang, bumakan hati..2x

Baca Lirik

Lirik Lagu Untung Abih Vocal Wulan Duet

Lirik Untung Abih Vocal Wulan feat Edo Biola Harmaini

Vocal Batino:

Abang sayuti di Suko Rami
Pergi lah butalang di rimbo jauh
Sampai lahnyo hati mambuangnyo kami..
Kami tabuang yo bang oi, kerantau juah..2x

Vocal Jantan:
Anak lahurang mungabo jalo
Ikan lah takurung si anak masai
Bukan lahnyo abang mambuang miko..
Untung lah abih yo dik oi, kito lah bucerai..2x

Jeda Musik Biola...

Vocal Batino:

Kuala nangko masaklah mudo

buah lahnyo jatuh munimpo serai

Idak lah disangko nasib lahnyo kito..

Sedang lah sayang yo bang oi, kito lah bucerai..2x

Vocal Jantan:

Pegi ke bangsal membeli bato

Bangsal nlahnyoadao Muaro Bungo

Jangan lah disesal nasib lahnyo kito..

Sudah lah nasib yo dik oi, Tuhan yo nan Kuaso..2x

Jeda Musik Biola...

Vocal Batino:

Pegi ke bangsal membeli bato

Kini lahnyo abih rumah dak sudah

Idak lah kami sesal nasib lahnyo kito..

Kasih lah putuih yo bang oi, sayang dak sudah..2x

Vocal Jantan:

Hujan buderai di hari senjo

Dipagi lah hari buderai jangan

Sudah lah bucerai kito lah dimuko..

Tibo dihati yo dek oi, bucerai lah jangan..2x

Baca Lirik

Lirik Lagu Patah Sembilan Vocal Timot

Lirik Patah Sembilan Liric/Vocl. Timot

Jangan lah cemeh kidundung lah kupak

Pino lah pino dilaman nyo Jambi

Jangan lah cemeh kampung nan di ngusak..

Nganak la nan ngino, biak lah munyepi..2x

Umo sipao di musik lah nyo dusun

Padi lah ngabih dimakan nyo jawi

Kau lah bungo balik lah ke rumpun...

Bungo lah nan ngidak, bukarang lah lagi..2x

Musik...

Bujang simuluk mandi lah terejun

Anak lah cino mumbeli lah nyo bawang

Kau nan ngiluk tunggu lah di dusun..

Kami lah nan hino biak lah tibuang..2x

Ambik lah titin tempat lah mulayang

Untuk nyo jalan nan lalu lah kumo

Hidup musekin hino lah tibuang...

Dalam lah nyo kamoung idak lah piguno..2x

Musik...

Pado kuremak idak lah wak seding

Seding kipado nan jaja lah talang

Pado munsanak idak lah wak sedih..

Sedih lah kepado badan lah wak malang..2x

Senanglah nian ba umo di tanjung

Terbang kipyan gdi rimbo nyo jauh

Senang lah nian munsanak di kampun...

Maningok nyo badan tibuang nyo jauh..2x

Baca Lirik