Lirik Lagu Hilang Basamo - Duet

Lirik Hilang Basamo Vocal Radinal dan Fitri

Vocal Jantan:

Munenabang tebu sepucuk

Iluk titebang kudengan pisau

Kami lah hilang sereto rajuk..

Bia lah hilang sepanjang rantau..2x

Vocal Batino:

Talang kamu bang, talangnyo datar

Talangnyo kami daki manurun

Malang kamu bang malang sebentar...

Malangnyo kami buganti tahun...2x

Vocal Jantan:

Awak lah duduk muminum kopi

Belum diminum kopi lah tabuang

Tulung lah tunjuk rimbo nan sunyi..

Tempat mambuang badan ku malang..2x

Vocal Batino:

Iluk-iluklah iluk munanm pisang

Pisang ditanam ditepi umo

Idak ba bagih ilang lah surang..

Iluk lah kito ilang basamo..2x

Balik nyanyi dari awal gi...

Baca Lirik

Lirik Lagu Hati Merindu - Duet

Lirik Lagu Jambi Hati Merindu

Vocal Jantan:

Urang kerinci yo dik oi munanam selasih

Tumbu selasih yo dik oi dibawah tanggo

Urang lah benci yo dik oi kusangko kasih

Tapakso badan yo dik oi pegilah bujalan

Vocal Batino:

Dari sebarang yo bang oi hendak ka umo

Tibo ditalang yo bang oi menuailah padi

Hati ku bimbang yo bang oi batanyo-tanyo

Mungapo abang yo bang oi muninggal kami

Vocal Jantan:

Janganlah cemeh yo dik oi minyak lah tabayak

Batang kapayang yo dik oi agi lah ba bungo

Jangan lah cemah yo dik oi kasih lah batuah

Sanyangnyo abang yo dik oi macam lah lamo

Vocal Batino:

Tudung baludu yo bang oi lah nan kain putih

Hendak dibao yo bang oi ketanjungnyo gedang

Tanjunglah putus yo bang oi pulau lah buralih

Letak dimano yo bang oi nan kasih sayang

Vocal Jantan:

Ambiklah pisang yo dik oi bao lah ka ulu

Pisang dijemput yo dik oi dibawah tanggo

Adik kusayang yo dik oi sabarlah dahulu

Abangkan jeput yo dik oi suatu maso

Vocal Batino:

Masaknyo buah yo bang oi durianyo hijau

Masak sabelah yo bang oi cundunglah kamudik

Biak mambumbung yo bang oi ke langitnyo hijau

Namun nyo bang yo bang oi ku tantik balik

Baca Lirik

Lirik Lagu Jambi Munentang Untung

Lirik Lagu Munentang Untung Duet

Vocal Batino:

Kalu nak mandi, hendak burenang

Jangan nak mandi, tepiannyo ujo..2x

Kalu nak cari, buhati senang

Jangan nak jadi bang, kami sengsaro..2x

Vocal Jantan:

Idak ku milih, kain burendo

Asal bukain, ikatlah di pinggang..2x

Idak ku milih, musekin Kayo

Asallah adik, yo adik buhati senang...2x

Musik...

Vocal Batino:

Buah cempedak, jatuh ke laman

Hendak ku bawo, ke ujungnyo tanjung..2x

Sudah ku kimak, ditapak tangan

Idak kan ado yo bang, munentang untung..2x

Vocal Jantan:

Hidupnyo api, panggangnyo kayu

Masaknyo undang kenolan nyo jalo..2x

Hidupnyo mati, ditangan kau

Maitnyo bangkai dek oi, la sampai jugo..2x

Baca Lirik

Lirik Lagu Munentang Matohari Radinal

Manentang Matohari Cipta Radinal

Vocal Jantan:

Macam mano, macamlahnyo mano kito nak muniti

Titian patah, titiannyo patah jurang nan mamisah

Macam mano nak dapek kendak hati yo dik..

Urang tuo kau lah menahan langkah..2x

Vocal Batino:

Idak kayu, idaklahnyo kayu jenjang lah ku keping

Idak rotang, idaklahnyo rotan aka lah pun jadi

Idak nian dapat tempat burunding yo bang..

Jalan disilang adek langkahi..2x

Vocal Jantan:

Jangan nak nentang, janganlah nak nentang lah si matohari

Pike mato, pikelahnyo mato acamlah ka buto

Jangan diturut kehendaknyo hati yo dik..

Baduso pulu kito jadinyo..2x

Vocal Batino:

Kendak hati, kendaklahnyo hati bia lahnyo mati

Kendak mato, kendaklahnyo mato bia lahnyo buto

Kalu dak jugo di tuainyo padi yo bang....

Biak lah ampo padi selamonyo..2x

Vocal Batino:

Selagi badai, selaginyo badai gendang lah menghadang

Usah menyosong, usahlah menyongsong biduk lah ketengah

Kalunyo badai idak kunjung tenang yo dik..

Kepado Tuhan kito lah munyerah..2x

Vocal Jantan:

Bia tapisah, bialah tapisah asam dengan garam

Dalam belango, dala belango nyo batemu jujgo

Walau di dunio kita tapisahkan yo bang...

Untung isuk basatu di dalam Surgo..2x

Baca Lirik

Lirik Lagu Sayang Dak Sudah Pantun Duet

Sayang Dak Sudah Vocal Nukan dan Nuraini

Vocal Jantan:

Banyak lah talang pukaro talang

Talang lah kami ditepi lah renah..2x

Banyaklah urang bikato sayang

Tibo dikami yo dik oi,  sayang dak sudah..2x

Vocal Batino:

Idaklah payah pegi ketalang

Talanglah kami di sungai lah bungo..2x

Idak lah payah bukato sayang

Sayang di kau yo bang oi, dilah mulut sajo..2x

Musik...

Vocal Jantan:

Sungguhnyo dedeh ke Rantau Pandan

Rantau lah duku ngan tau lah belum..2x

Sungguhnyo pueh lah ngan katokan

Kau lah idak yo dik oi, pucayo belum..2x

Vocal Batino:

Kalu nak tau di Ratau Duku

Ditepi jalan ke Muaro lah buat..2x

Keno dek banyak gadih katuju

Dibadan kami yo bang oi, kau dak ingat..2x

Musik...

Vocal Jantan:

Ba ari-ari ngan mengerai

Dapek lah emeh sakundi lah kurang..2x

Cinto dikami napal di sungai

Dikupeh ayik yo dik oi, idak kan hilang..2x

Vocal Batino:

Duduk dinapal ancing saluwang

Dapek lah sikuk anaklah salimang..2x

Panjang lah akal ikan saluwang

Sanggup mangusut yo bang oi, nan lah pukat urang..2x

Baca Lirik

Lirik Lagu Bukilah Kato - Duet

Bukilah Kato Vocal Iswandi dan Wulan Sari

Vocal Jantan:

Aku tau di padi baru..

Pancung pua dek ditepi jalan..2x

Akulah tau dihati kau..

Iluk dilua mancung di dalam..2x

Vocal Batino:

Pinang abang di dusun baru

Putik kapayang di dalam padi..2x

Jangan abang kato ba itu

Adek lah sayang sepenuh hati..2x

Musik...

Vocal Jantan:

Ambik duku di pulau pelayang

Dalam ayik dek ado buayo..2x

Abang tau adek lah sayang

Kareno adik ado yang punyo..2x

Vocal Batino:

Pisang masak dipulau pandan

Bao ke bangko membeli cicin..2x

Urang dak endak bayak alasan

Karno aku urang musekin..2x

Ulang nyanyi dari awal gess....

Baca Lirik

Lirik Lagu Jambi Perahu Laju

Perahu Laju Vocal Rahmi dan Andi

Vocal Jantan:

Lajulah-laju perahu laju

Laju ku dayung ke tengah laut

Vocal Batino:

Rindulah-rindu hati ku rindu

Rinduk dek hati sudah terpaut

Vocal Jantan:

Bukan perahu bae nak laju

Perahu layar lebih lah laju

Vocal Batino:

Bukannyo abang bae nak rindu

Adek nan tinggal rindu lah jugo

Jeda Musik...

Vocal Jantan:

Payah lah nian ketalang jauh

Sakitlah kaki ta tijak kayu

Vocal Batino:

Payah lah nian batunang jauh

Sakitlah hati manunggung rindu

Vocal Jantan:

Pucuklah pauh selaro pauh

Daun kemumu di dalam padi

Vocal Batino:

Adeklah jauh abang pu jauh

Kito batemu di dalam mimpi

Jeda Musik...

Vocal Jantan:

Tajamlah kapak dari beliung

Buat penebang kayu yang tinggi

Vocal Batino:

Kalu bakepak serupo burung

Abang ku ulang petang dan pagi

Vocal Jantan:

Tebang lah buluh ditepi payo

Jadikan niru penampi padi

Vocal Batino:

Walaupun abang jauh dimato

Namun bagiku dekat dihati

Baca Lirik

Lirik LAgu Jambi Gadis Rimbo Bujang

Gadis Rimbo Bujang Vocal Zona dan Yanti

Vocal Jantan:

Cantik nian gadis rimbo bujang

Belesung pipit jalan melenggang

Elok nian gadis rimbo bujang

Tutur saponyo sungguh menawan

Kusapo dio, tertunduk malu

Kurayu dio, tersenyum sajo

Di dalam hatinyo pun jatuh cinto

Cantik nian gadis rimbo bujang

Belesung pipit jalan melenggang

Elok nian gadis rimbo bujang

Tutur saponyo sungguh menawan

Reff:

Vocal Jantan:

Sayang... sejak dalam pertemuan

Membuat hatiku tak tenang

Siang malam jadi Pikiran

Vocal Batino:

Abang... sayo jugo merasokan

Sejak kito bertemu pandang

Susah tiduk susah makan

Jantan-Batino:

Kalu itu yang kito rasokan

Berarti kito samo-samo jatuh cinto

Vocal Batino:

Kalu abang nak ke rimbo bujang

Naiklah oplet duduk di depan

Kalu abang benar-benar sayang

Apo tandonyo bulih ku simpan

Kembali ke Reff 

Baca Lirik

Lirik Lagu Jambi Serampang Laut - Duet

Serampang Laut Lagu Pantun Lamo

Vocal Jantan

Geseklah piul sirampang laut..

Diiring joget budayo lamo..2x

Hati ba kendak, nyebut, payah nak nyebut la sayang..

Dapek ditahan jugo, ngan tahan jugo..2x

Vocal Batino

Kalu bunyanyi mirupo demam

Kalunyo demam mano pucatnyo

Hatilah rindu, pendam, jangan di pedam la sayang..

Kalu dipendam, sakit nian lah sakitnyo..2x

Jeda Musik…

Vocal Jantan

Ngan/aku/abang lah keno nan sampu gadih

Itu punyakit nan Ngan/aku/abang idap kini

Nyampang ka ilang, kain jangan nak mengih la sayang..

Itu pengubat sampu, kato dukun kini..2x

Vocal Batino

Kau bucakap nak padek bae..

Sanggup meruntuh gunung nan tinggi..2x

Ilang lah kain, bae, biaso bae lah sayang..

Asalkan jangan ilang, si jantung hati..2x

Baca Lirik

Lirik Lagu Jambi Nasib Badan Duet

Nasib Badan Duet Ponakan dan Mamak

Vocal Punakan

Kayunyo aro tinggi, kini ba bungo idak

Kayu kandundung, ado lah di ile

Aku batanyo kini, kepado kamu mamak

Kamu ba menung, apo nan di pike

Vocal Mamak

Hendak ku sarung baju, iyo si lengan panjang

Ku bawok untuk, duduk lah mungaji

Mamak ba menung nakan, mengenang nasib badan

Mengapo hidup, dak nyamo kanti

Musik...

Vocal Punakan

Payahlah mundaki, ku ampat nyo gedang

Kainnyo basah, sarung lah dibadan

Tabahkan lah hati, kuatkan nyo iman

Mungkinlah sudah, piruntung badan

Vocal Mamak

Urang Rantau Panjang, pegi lah ke talang

Dapatlah padi, setapan malang

Macam ko nian, nasiblah nyo malang

Dapatnyo pagi, habisnyo petang

Musik...

Vocal Punakan

Pinggalah nyo pecah, makan lah dak jadi

Patah salero, malang jadinyo

Jangan munyalah mamak, kini si badan diri

Serahkan sajo, ke Tuhan kuaso

Vocal Mamak

Tiuplah nyo api, di tengahnyo malam

Urang batigo di tepi laut

Lautlah nyo kini, sudahlah ku selam

Ikanlah rayo butali rambut

Baca Lirik

Lirik Lagu Jambi Nasib Badan

Nasib Badan Cipta/Vocal Hendra

Makan pagi gulainyo baung

Turun bukit harinyo petaaang...

Turunnyo bukit hari lahnyo petang

Di tengah hari, duduk bamenung

Mungenang nasib dek, ditanggung badan..2x

Pasang lukah di ulak lubuk

Ulanknyo bambu mumasang pukat

Ulanknyo bambu mumasangnyo pukat

Idak munyalah, bapak dan induk

Salah di aku dek, nan salah sukat..2x

Musik...

Galeh ambung bawaknyo balik

Bajunyo putih di dalam kaaa...in

Bajunyo putih didalamnyo kaaa...in

Di dalam kampung, idak buradik

Nunggun nyo kasih dek, si urang lain...2x

Ku bujalan mumbawak anak

Harilah siang hujannyo pagi...iii

Harinyo siang hujan lahnyo pagi

Aku bupesan pado dunsanak

Akulah hilang dek, jangan di cari...2x

Baca Lirik

Lirik Lagu Jambi Petuah Lamo

Petuah Lamo Cipta Yahya Vocal Ramzi

Rimbun nian si rumpun pandan

Pandan beduri, bebelah tigo

Biak pun tuah, ado dibadan

Budi pekerti gunokan jugo

Bekelok sungai batanghari

Ayek nyo resih bebayang bayang

Elok lah elok membawo diri

Tuo dikasih, mudo disayang

Reff:

Bejalan biak menepi

Supayo idak tapijak kanti

Becakap peliharo lidah

Supayo kanti idak meludah

Itu petuah rang tuo tuo

Adat lembago budayo lamo

Apolah guno munepuk dado

Runduknyo padi padat isinyo

Baca Lirik

Lirik Lagu Jambi Pantun Basambut

Pantun Basambut Vocal Efendi/Erawati

Jalan-bujalan kerejam gento
Tempak pumandang rumah bupati oi sayang
Ditengah malam hati ku ibo..
Badan dibuang sanak family..2x

Pagilah pagi bujalan kaki
Ke sungai misang tempek mungaji oi sayang
Samapilah hati nan matohari..
Bulan dak dapek businar lagi..2x

Musik…
Dulu bupati kabupaten sarko
Kini bupati kabupaten Merangin oi sayang
Ibo lah hati burung di rimbo…
Buahlah abih di guncang angin..2x

Naik ka bukit nan ngejam gento
Tempek wisata nan mudo-mudo oi sayang
Kecik busakait gedang tasikso…
Hendak dikesal pado siapo..2x

Musik…
Tempek wisata nan mudo-mudo
Ke sungai misang bujalan kaki io sayang
Hendak dikesal pado siapo..
Hidup ku hino nan dari kanti..2x

Anak sabubut ateh kalapo
Burung lah nuri di ujung tanjung oi sayang
Lamolah hidup banyak tasuo…
Lambek lah mati badan munanggung..2x

Baca Lirik

Lirik Lagu Jambi Iyo Kato Hati

Judul Lagu Iyo Kato Hati

Cipta : Agus Salim

Vocal : Alamsyah Cover

Bayak lah talang yo dek oi, pukaro talang..

Idak nyo samo yo dek oi, talang jurami..2x

Banyak nyo malang yo dek oi, pukaro malang, sayang..

Idak nyo samo yo dek oi, malang di kami..2x

Iyo kato hati, iyo pulo kato kami

Iyo kato kami, iyo pulo kato hati

Dari lah birun yo dek oi, ke sungai pinang..

Jalan bakelok yo dek oi, di tanjungnyo mudo..2x

Pado mulamun yo dek oi, ditinggal tunang, sayang..

Iluk kucari yo dek oi, gadih murando..2x

Iyo kato hati, iyo pulo kato kami

Iyo kato kami, iyo pulo kato hati

Musik...

Pulau lah Rengeh yo dek oi, Jembatan besi..

Koto nyo Bangko yo dek oi, Jembatan nyo duo..2x

Buyung pamaleh yo dek oi, dak dapat bini, sayang..

Bujang pagawe yo dek oi, jadi rang kayo..2x

Iyo kato hati, iyo pulo kato kami

Iyo kato kami, iyo pulo kato hati

Dari lah Pauh yo dek oi. ke Muaro Siau..

Jalan lah terus yo dek oi. ke Sungai Tenang..2x

Pado ku mabuk yo dek oi. mambao pisau, sayang..

Banyak lah urang yo dek oi. nan idak sayang..2x

Iyo kato hati, iyo pulo kato kami

Iyo kato kami, iyo pulo kato hati

Baca Lirik

Lirik Lagu Jambi Tando Nak Jadi - Duet

Tando Nak Jadi Lagu Kerinci Duet

Vocal Batino..

Kalu iyo, tunggang di busiang

Siang nianlah kacang, lahdi lah ateh parit

Sianglah kacang…. Lahdi lah di ateh parit..2x

Kalu iyo, tunggang dibubilang

Cubo nian lah bilang, bintang di ateh langit

Cubolah bilang…. Bintang di ateh langit..2x

Vocal Jantan...

Usah ku kacang, lahdi ateh parit

Sedang diku semut, lahdi lah ateh kandang

Sedang ku semut…. Lahdi lah di ateh kandang..2x

Usah ku bintang, lahdi ateh langit

Rambut kau nian, dapat aku bilang

Rambut kau nian…. Dapat di aku bilang..2x

Musik…

Vocal Batino...

Kalu iyo, tunggang di munyelam

Cubo nian lah selam, ngadap lah diku ile

Cubolah selam…. ngadap lah diku ile..2x

Kalu iyo, tunggang di munyelam

Cubo nian lah selam, tunggak didalom ayik

Cubolah selam…. tunggak didalom ayik..2x

Vocal Jantan...

Usah munyelam, ngadap diku ile 

Ku ile alah nian, uhang dimunyelam

Ku ile nian…. uhang lah dimunyelam..2x

Usah ku tunggak, lahdi dalom ayik

Ayik dalom tunggak, tu nian nak aku selam

Ayik dalom tunggak… tu nian nak aku selam..2x

Vocal Jantan-Batino

Kalu itu nian, panjang lah dinyo tali 

Satu nialah ujung, lah di lah lipat duo

Satu lah ujung…. lah di lah lipat duo..2x

Kalu itu nian, kereh lah dinyo hati

Tando lah renak jadi, kito lah di buduo

Tando nak jadi…. kito lah di buduo..2x

Baca Lirik

Lirik Lagu Jambi Nasib Daun Pisang

Nasib Daun Pisang Cipta/Vocal Wo In

Musik...

Matinyo ruso di tanah tumbuh..

Mati di timpo si daun pelam..2x

Kami umpamonyo puntung suluh..

Untuk punerang dihari kelam..

Kalu lah sudah palito padam..

Dibuang urang, kau ko badan..2x

Musik..

Batang kadundung dimuko laman..

Hendak ditebang babungo kembang..2x

Badan di sanjung katiko senang..

Banyak lah urang bukato sayang..

Idak batuah badan dibuang..

Budi nan baek idak dikenang..2x

Musik..

Kenaknyo cicin, gelang di tangan..

Sereto jugo, selendang panjang..2x

Awak musekin, dagang manumpang..

Hino taraso kau ko badan..

Umpamo sampah ditengah laman..

Idaknyo ado diguno urang...2x

Musik..

Umpamo badan si daun pisang..

Untuk paneduh katiko hujan..2x

Hujanlah teduh paneh pun datang..

Lah abih guno, badan di buang..

Kadang tapijak idak dipandang..

Macam ko nasib si daun pidang..2x

Baca Lirik

Lirik Lagu Damar Bakipeh - Duet

Damar Bakipeh Lagu Joget-Duet Jambi 

Vocal Jantan

Ayam bakukuk dama lah bakipeh

Kayu bunamo la muratih balam

Kareno mabuk yo dek dendam dak lapeh..

Aku lah merindu yo dek siang dan malam..2x

Vocal Batino

Kalu lah buleh pegi lah ka darat

Batang lah dama, pulito nan kapeh

Kalulah buleh yo bang ku genggam erat

Padam lahnyo nyawo yo bang idak ku lepeh

Musik…

Vocal Jantan

Kalu lah ngado gelang lah di tangan

Idak mulurut cicin lah dijari

Kalu ngado yo dek, tunang tu nian

Idak lah murebut yo dek, nan tunang kanti

Vocal Batino

Payah lah nian, la munanam tebu

Tebu ditanam, lah nan patah tigo

Payah nian yo bang, mabuk ke kamu

Kamu nan ku rindu yo bang, nan idak jugo

Musik...

Vocal Jantan

Mangun lah jayo tempat lah bakebun

Muara bungo tempat lah mulayang

Kamu lah kayo yo dek, harto salambun

Aku lah musekin lah bunasib malang

Vocal Batino

Anak bengkari la nan teluk pandak

Disitu kunyit lah ba bungo serai

Kalu hati yo dek, sebendo tengah

Langit lah dikunci yo dek, sebelum diungkai

Musik...

Vocal Jantan

Muara bungo lah nan tanjung gedang

Dibalik ulak tanjung lah munanti

Numpang butanyo yo dek, kepada bintang

Dimano la tempat yo dek, si matohari

Vocal Batino

Kota lah jambi, simpang jerutung

Simpang lah duo, ke koto baru

Antaro hati yo dek, pungarang jantung

Disitu lah duduk ya dek, nan badan kau

Baca Lirik

Lirik Bulerang Kuset Vocl. Radinal - Duet

Bulerang Kuset Cipta Radinal

Vocal Jantan

Kutalang... pegi lah munyeset

Sayang lah ta kesek yo dik oi..batang lah sakawang..2x

Kau lah si pantun nduk dek oi.. bu lah lerang kuset

Abih-abih nduk dek oi.. putung lah tabuang..2x

Vocal Batino

Layang-layang terbang lah mulayang

Hinggaplah di ranting nduk yo bang, talah kepak-kepak..2x

Kamu lah mungato nduk yo bang, nan lah idak sayang

Badan musekin nduk yo bang, kasih lah dak nampak..2x

Musik...

Vocal Jantan

Hari paneh...mulah nanam tubo

Tubo lah ditanam yo dek oi..dateh lahpumateng..2x

Biduknyo emas nduk dek oi..kajang lah suaso

Manolah bulih nduk dek oi..perak nak numpang..2x

Vocal Batino

Baju putih kancinglah delapan

Pakai rang mudo nduk yo bang, dilah maso dulu..2x

Kalu nyo bulih nduk yo bang, mintaklah ka Tuhan

Hidup sanyawo nduk yo bang, matilah sa kubo..2x

Baca Lirik

Lirik Lagu Kasih ka Adik Duet Radinal - Ulfa

Lirik Kasih ka Adik Vocal Duet Radinal feat Ulfa Safira

Vocal Batino:

Bukan ku segan marubuh lahnyo rimbo yo bang

Aku dak tau yo bang, terbang lahnyo buliung..2x

Bukan ku segan yo bang, bulah main cinto induk yo bang

Idak kan ado lah yo bang, duduk lah subandung..2x

Vocal Jantan:

Jagannyo cemah minyak lah tabayak yo dik

Batang kapayang bungo, lagi yo lah ba bungo..2x

Jangannyo cemah yo dik, kasih lah batuah induk yo dik

Sayang batabah lah yo dik, nan lah dari lamo..2x

Musik...

Vocal Batino:

Anaknyo cigak ditepilah nyo umo yo bang

Anak siamang buluh, di lah ateh buluh..2x

kamu mungilak yo bang, lah na segan keno induk yo bang

kamu tagamang lah yo bang, lah nan takut jatuh..2x

Vocal Jantan:

Sayang ba babiduk kalusak lahnyo jantung dik oi

Nasinyo putih derai, tanak yolah buderai..2x

Payah bumain yo dik, idak sakampung iduk yo dik

Sedang lah kasih lah yo dik, kito lah bucerai..2x

Baca Lirik

Lirik Lagu Damar Bakipeh Duet Joget Jambi

Lirik Damar Bakipeh Vocal Syaiful Anwar feat Nuraini Yulis

Vocal Jantan:

Ayam bakukuk dama lah ba kipeh

Kayu bunamo la muratih balam

Kareno mabuk induk dek dendam dak lapeh..

Aku lah merindu induk dek siang dan malam..2x

Vocal Batino:

Dusunlah kami dusun lah danau

Dusun budekat di kota lah Jayo

Putihlah mato yo bang, mumandang pulau

Takut lah pirahu yo bang, ado nan punyo..2x

Musik...

Vocal Jantan:

Kalu lah ngado gelang lah di tangan

Idak mulurut cicin lah dijari

Kalu ngado induk dek, tunang tu nian..

Idak lah murebut induk dek, nan tunang kanti..2x

Vocal Batino:

Ahmad Sayuri bujang pamenang

Pegi ke pasa pagi sebetu

Jadi lah kain yo bang, nan kau benang..

Buleh lah ku guno yo bang, kain lah kelambu..2x

Musik...

Vocal Jantan:

Bangun lah jayo lah ketalang petai

Sungai lah arang lah ngan tinggal sudah

Kau kayo induk dek, maksud sampai..

Aku musekin induk dek, karam di tengah..2x

Vocal Batino:

Anak bengkari la nan teluk pandak

Disitu kunyit lah ba bungo serai

Kalu hati yo bang, sebendo tengah...

Langit lah dikunci yo bang, sebelum diungkai..2x

Musik...

Vocal Jantan:

Muara bungo lah nan tanjung gedang

Dibalik ulak tanjung lah munanti

Numpang butanyo induk dek, kepado bintang..

Dimano la tempat induk dek, si matohari..2x

Vocal Batino:

Kota lah jambi, simpang jerutung

Simpang lah duo, ke koto baru

Antaro hati yo bang, ku dengan jantung..

Disitu lah duduk yo bang, nan badan kau..2x

Baca Lirik