Lirik Lagu Lapuk Teletak Vocal Wo In

Lirik Lapuk Taletak Cipta/Vocal Wo In

Cempedak nangko lah di lah tepi payo

Batang selasih lah di lah dalam semak

Sejak dimano hati lah ku ibo..

Sejak tasiseh dalam lah nan banyak..2x

Pegi ba umo lah di lah lubuk pungguk

Duduk ku idak Tegak yo lah busamao

Kami umpamo lah si lah biduk buruk..

Lapuk telatak idak lah baguno..2x

Musik...

Parah di bukit lah di lah tiup angin

Kawat temabago lah bu lah tempah besi

Sudah lah nasib hidup lah musekin...

Ibarat tanggo bawah lah sekali...2x

Apo ditangih pipit di rimbo

Padi lah abih lah dek burung balam

Apo di tangih lah nan kau mato...

Sudah lah nasib lah pi lah runtung badan...2x

Baca Lirik

Lirik Lagu Malang Marasai 2 Vocal Wo In

Lirik Malang Marasai 2 Cipta Sumbot

Sayang mangulai keladi cino
Urang burelek di ujung tanjung..2x
Jatuh buderai si ayik mato
Mungenang nasib dengan piruntung..2x

Kutanam bungo di ulak titin
Urang munebang batang cempako..2x
Badan ku hino, hidup musekin
Urang mumandang sebelah mato..2x

Musik…
Itu ku segan ba umo talang
Talang ku jauh di ayik liki..2x
Itu segan, bukato malang
Malang mulebih nan dari kanti…2x

Lebatnyo buah si rotan udang
Batang sepekal di dalam rimbo…2x
Mungkin lah sudah nasib ku malang
Hendak di sesal pado siapo…2x

Baca Lirik

Lirik Lagu Musekin Sudah Vocal Wo In

Lirik Musekin Sudah Cipta Radinal

Kalu nak nyubo, burakit kayu..ambik
Buliung punebang tentang..malangnyo badan..2x
Kalu nak tau busakit hidup…
Ibarat burung nak terebang petang…2x

Rumput senyanit di tepi sawah..ambik

Nyo tali dipadang lalang…malangnyo badan..2x
Hidup busakit, musekit sudah…
Dapatlah pagi nak makan nyo petang…2x

Musik…
Ba umo pelak di bukit tebat..nampak
Nyo ruan berenang-renang…malangnyo badan
Baharto idak, hidup mularat…
Idak katuan, nak dipandang urang…2x

Pecah gendang serempak tigo… idak
Nyo dapat berelek gedang, malangnyo badan..2x
Susahnyo senang, sudah ku cubo
Hendak mambuat nak hidup ko senang…2x

Baca Lirik

Lirik Lagu Janji Batukar Mimpi

Lagu Janji Batuka Mimpi Cipta Wo In

Tiupnyo api di tengah laman...
Batangnyo naneh duo sebatang...2x
Harapnyo bumi turunnyo hujan...
Mungapo paneh pulo nan datang...2x

Limaunyo manih kuliling tanggo...
Limaunyo kunci jatuh tabuang...2x
Hati munangih batain ta siso...
Kau di nanti jadi ka uhang...2x

Musik...

Tuainyo padi di pagi hari

Tanaknyo nasi idaklah basi...2x

Dulu bujanji ka sampai jadi

Nyato janji batuka mimpi...2x

Ba umo padi si padi usang

Umo ku tunggu ahi lah petang...2x

Umpamo janji adalah hutang

baduso kau tanggung lah suhang...2x

Baca Lirik

Lirik Lagu Murajuk Vocal Manap

Lirik Murajuk Cipta Wo In

Kalun ka ulu mudik mundaki
Rami lah budak nak lalu kumo..2x
Kalu ku tau di baso basi
Mungkinlah idak aku terimo..2x

Pegi mumancing di lubuk Resam

Keno lah anak ikan balido..2x

Malang lah nian si garih tangan

Ikan lah dapek nyo lepeh pulo..2x

Musik...

Dalam periuk gulai ku jerang

Aonyo padi di bilik lamo..2x

Hati murajuk pike dak tenang

Cinto di hati mambuek luko..2x

Batang cempedak ba buah nangko

Nangko tu ngado di tebing payo..2x

Banyak nan idak pado nan ado

Mangkonyo adik bupaling cinto..2x

Baca Lirik

Lirik Lagu Padi Ampo Vocl. Wo In

Lirik Si Padi Ampo Cipta. Wo In

Batang kemangi sedang ba bungo..

Padi di talang ba buah mudo...2x

Senanglah hati urang nan kayo...

Kami di pandang sebelah mato..2x

Pandan jaluang ado durinyo..

Ambik daunyo pa nampi jawo...2x

Malang di badan batimpo di timpo..

Nasib umpamo si padi ampo..2x

Musik...

Samulo kereh belah kelapo...

Basulo idak di bawah tanggo..2x

Sagalo gawe lah aku cubo...

Sensaro awak batambah jugo...2x

Buah kunini di dalam rimbo..

dimakan beruk, si amang ungko..2x

Bialah kini hidup macam ko..

Untung tah isuk senang ka tibo..2x

Baca Lirik

Lirik Lagu Kusut Panano Vocl. Wo In

Lirik Kusut Punano Cipta Wo In

Rumput nan pajang oi.. ba bungonyo pagi
Kami munebang batang lahnyo buluh
Kusutlah nian oi..punano ku kini...*
Padi ku tanam, lalang lah nan tumbuh..2x

Katu dikeba, oi... tu dengannyo tali
Patah di timbo, batang lahnyo pulai
Dulu buhajat, oi... di dalamnyo hati...*
Bupisah nyawo, mangko lah bucerai..2x

Musik...

Kalu bu timpek, mandilah di teluk

Mandi teluk, lah di bawahnyo batang

Kau lah dapek, oi kanti nan iluk..*

Badan ku buruk, sudah lah di buang..2x

Ka umo pagi, hendak lah munenbah

Cubo butanak, hendaklah mangulai

Salamo jadi, kendaklah dak dapek...*

Apo di pintak, idak lah tacapi...2x

Musik...

Kalu nak milang, bataglah nyo paku

Bilanglah nian, sampai lah nan gedang

Kalu nak muang, oi...si badan nyo aku...*

Baunglah nian, sampailah nyo hilang...2x

Hati munangih, mato lah ba urai

Kito bupisah, janganlah na sedih

Kinilah abih, kato nan sasui..*

Samo di tempuh, jalan di pilih..2x

Baca Lirik

Lirik Lagu Payah Bae Vocal Wo In

Lirik Payah Bae Cipta Wo In

Pegi manunai umolah sa bidang
Urang mumanggang si kayu parah
Bungo ditangkai kini lahnyo hilang..
Kembang terebang lah dak tentu arah..2x

Dimudik titin umo lah di tebeh
Batangnyo pagi sedanglah ba bungo
Tempek ku main, raso dak kalepeh..
Sayang bujadi lah ka urang jugo..2x

Musik...
Musik ba biduk hendak lah ke ulu
Kalu burenang payah lah nyo nian
Adik nan iluk dapek lah nyo judu..
Aku nan malang bia lah tabuang..2x

Urang mumanjek lah si batang duku
Batang kemangi lah di bawah tanggo
Peruntung adik sudah lahnyo tentu..
Untungnyo kami entah lah kemano..2x

Baca Lirik

Lirik Lagu Hati Ku Luko Vocal Wo In

Lirik Hatiku Luko Cipta Kadel Vocal Wo in

Munanam padi lah di mudik bukit
Padi ku abih lah dilindan buluh..2x
Niat di hati... sahidup samati
Kini tapisah... sampai lah nyo jauh..2x

Pegi ka umo lah mulayang titin
Buluhnyo mayan tempat lah mulayang..2x
Kureno hidup... akulah musekin
Makonyo sampai... badan lah ta buang..2x

Musik...

Batangnyo sesah kinilah nyo putuih

Kami nak balik ka dusun bangko..2x

Kasih lah sudah... sayang lahnyo putuih

Itu mambuek... hati lah ku luko..2x

Sudah ku cubo, munanam selasih

Kami nak madi, lah di pagi hari..2x

Sudah ku cubo... lah bumain kasih

Nyatonyo kini... idak lah jadi..2x

Baca Lirik

Lirik Lagu Mati Diranting Vocal. Wo In

Lirik Mati di Ranting Cipta Wo In 

Burung kutiti yo adik di tengah umo..
Mumakan padi nyo mudo jatuh ditangaki..2x
Kalun ku pike yo adik badan hino..
Ayik lah yo adik jatuh buderai..2x

Ampolah padi di ujung tangkai..
Idak tablang yo adik padi sekiding..2x
Kasih dak yo adik, untung bucerai
Ibarat kumbang yo adik, mati diranting..2x

Musik...

Kusangko manih yo adik, umpamo tebu..
Ruponyo pahit, yo adik mangko ku buang..2x
Jani nan manih yo adik, kito dahulu..
Raso disait yo adik, sembilu tajam..2x

Uran balimo yo adik manjujung padi..
Padi nan ampo yo adik, di tuai jugo..2x
Apo ka dayo yo adik,untung ku kini..
Mungkin munghino yo adik, sampai nyo tuo..2x

Baca Lirik

Lirik Lagu Ngalih Kulain

Lirik Ngalih Kulain Cipta Wo In

apo ditangih pipit lah di rimbo
mumakan padi lah batudung idak
apo tangih lah nan kau mato
hendak lah jadi lah piruntung idak

sudah ku cobo munanam salasih

daunnyo jatuh lah di dalam padi

sudah ku cubo lah bumain kasih

nyatonyo kini idak lahnyo jadi

kalulah kau lah mumbeli kain

jangan dibeli lah nan tigo warno

makonyo kau ngalih di kulain

karnonyo kami urang lah dak punyo

apo ditangih lah nan kau puyuh

kantunglah idak lah burisi padi

apo ditangih lah nan kau tubuh

untung dak samo lahnyo dengan kanti

Baca Lirik

Lirik Lagu Tasiseh

Lirik Tasisih Cipta Wo In

Pegi munitin ka umo panjang

Umo pelepat di batang sirih

Kami musekin liko manumpang

Makonyo badan kami tasiseh

Kami ketalang munnam pisang

Lalulnyo balik hari lah senjo

Kami nan malang badang manumpang

Badan tasiseh dunsanak kayo

Jeda Musik...

Kuto jayo pulau tamiang

Banyak nyo di kayu gedang

Apo dayo si kau badan

Awak musekin idak di pandang

Ambik panyuluk buluhnyo bilah

Untuk pungentai si anak baju

Biduk buruk pengayuh patah

Manolah sungai idak katuju

Baca Lirik

Lirik Lagu Ketiko Susah

Lirik Lagu Katiko Susah Cipta Roy Markeh

Selasih hidup kini lah patah..
Dahan ditimpo si kayu gedang..2x
Sedih lah hidup ketiko susah..
Badan sangsaro di hino urang..2x

Apo nian salah nyo padan..
Batang baduri kini di buang..2x
Apolah nian salah nyo badan..
Nan benci nan sayang..2x

Musik...

Bujalan kaki pegi ke umo..

Sakitlah badan ditengah malam..2x

Bia di benci di hino..

Sedikit idak busimpan dendam..2x

Dipulau rakit tebelah duo..

Dibuat titin pegi mulayang..2x

Walaupun bayank sakit di raso..

Ku yakin Tuhan masih lah sayang..2x

Baca Lirik

Lirik Lagu Nasib Badan Duet

Lagu Nasib Badan Vocal Wo In feet Hermizi

Vocal Punakan

Kayunyo aro tinggi, kini ba bungo idak

Kayu kandundung, ado lah di ile

Aku batanyo kini, kepado kamu mamak

Kamu ba menung, apo nan di pike

Vocal Mamak

Hendak ku sarung baju, iyo si lengan panjang

Ku bawok untuk, duduk lah mungaji

Mamak ba menung nakan, mengenang nasib badan

Mengapo hidup, dak nyamo kanti

Musik...

Vocal Punakan

Payahlah mundaki, ku ampat nyo gedang

Kainnyo basah, sarung lah dibadan

Tabahkan lah hati, kuatkan nyo iman

Mungkinlah sudah, piruntung badan

Vocal Mamak

Urang Rantau Panjang, pegi lah ke talang

Dapatlah padi, setapan malang

Macam ko nian, nasiblah nyo malang

Dapatnyo pagi, habisnyo petang

Musik...

Vocal Punakan

Pinggalah nyo pecah, makan lah dak jadi

Patah salero, malang jadinyo

Jangan munyalah mamak, kini si badan diri

Serahkan sajo, ke Tuhan kuaso

Vocal Mamak

Tiuplah nyo api, di tengahnyo malam

Urang batigo di tepi laut

Lautlah nyo kini, sudahlah ku selam

Ikanlah rayo butali rambut

Baca Lirik

Lirik Lagu Sayang Sabenta - Vocl. Wo In

Lirik Lagu Sayang Sabentar Cipt. Wo In

Pegi ketalang munebang pisang

Dapeknyo pisang setapan lamang

Macam ko badan segalo kurang..*

Duduk dikampung raso manumpang..2x

Kalun nan ngimak berenai banyak

Kimak berenai di ulak makan

Sudah ku kimak budi munsanak..*

Sayang sebenta segan tamakan..2x

Banyaknyo umo di mudik dusun

Tebu ku tanam di bawah batang

Dunsanak kayo tunggu lah dusun..*

Aku nan malang bia tabuang..2x

Idak ba buah si batang nibung

Buah durian dimakan musang

Idak batuah badan di kampung..*

Bia dirantau badan ko hilang..2x

Musik…

Ulang nyanyi dahi “banyaknyo umo”

Baca Lirik

Lirik Lagu Sagalo Kurang

Lirik Sagalo Kurang Cipt. Wo In

Daunlah kuncup yo kuncup sularo pinang

Pinang lah idak yo idak hendak bubilang

Kalun lah hidup yo hidup segalo kurang..

Dalam nan banyak yo banyak idak dipandang..2x

Batangnyo bento yo bento tumbuh dilaman

Hendak ku jalin sebatang di ateh jamban

Urang nan kayo yo kayo banyak nan sayang..

Awak musekin yo malang tasisih nian..2x

Musik…

Sepantun badan umpamo si bungo lalang

Sudahnyo kemabng yo kembang mako tabuang

Macam ko rasonyo badan katiko malang..

Idak nyo ado yo urang bukato sayang..2x

Kalun baumo, baumo di ulak kemang

Bawok pendayung babiduk untuk mulayang

Tuhan yang Maha Kuaso tunjuk ku jalan..

Kemano nian ku bawo untungnyo badan..2x

Baca Lirik

Lirik Lagu Nasib Daun Pisang

Lirik Nasib Daun Pisang

Intro Musik...

Matinyo ruso di tanah tumbuh..

Mati di timpo si daun pelam..2x

Kami umpamonyo puntung suluh..}

Untuk punerang dihari kelam..}

Kalu lah sudah palito padam..}

Dibuang urang, kau ko badan..}2x

Music>>

Batang kadundung dimuko laman..

Hendak ditebang babungo kembang..2x

Badan di sanjung katiko senang..}

Banyak lah urang bukato sayang..}

Idak batuah badan dibuang..}

Budi nan baek idak dikenang..}2x

Music>>

Kenaknyo cicin, gelang di tangan..

Sereto jugo, selendang panjang..2x

Awak musekin, dagang manumpang..}

Hino taraso kau ko badan..}

Umpamo sampah ditengah laman..}

Idaknyo ado diguno urang...}2x

Music>>

Umpamo badan si daun pisang..

Untuk paneduh katiko hujan..2x

Hujanlah teduh paneh pun datang..}

Lah abih guno, badan di buang..}

Kadang tapijak idak dipandang..}

Macam ko nasib si daun pidang..}2x

Baca Lirik