Kuwau Vocal Cik Dan
Kuwau.... kuwau...
Burung pipit kuwau, diranting dilapuk kuwau
Mugadan padi kuwau.. ditengah talang
Kuwau.... kuwau...
Malang nasib kuwau, si anak induk kuwau
Disisih kanti kuwau.. tinggal di talang
Kami ba umo di lerang bukit
Tumbuhnyo serai, ba daun mudo
Duduk bu ibo, mungenang nasib
Nasib buderai si ayik mato
Musik...
Kuwau.... kuwau...
Lenggang lah biduk kuwau, hendak muraih kuwau
Dipagi hari kuwau.. hendak mulayang
Kuwau.... kuwau...
Urang sibuk kuwau, dio badune kuwau
Awak bukanti kuwau.. padi ditalang
Putuslah rotan, pungampai kain
Punyirat tanggo, idak butali
Lainlah nian, hidup musekin
Idak manurut, nan duneh kanti
Musik..
Kuwau.... kuwau...
Angin muribut kuwau, sebena-bena kuwau
Atap tacampak kuwau.. di dalam padi
Kuwau.... kuwau...
Tiap mawujud kuwau, patah ditengah kuwau
Menjadi sesal kuwau.. ratap yo tangih
Ambik lah biduk, dari seberang
Kami lah hendak, yo ke muaro
Anak lah induk, dituntun malang
Hendak disesal pado siapo
